بنات دبي أرجووكم ساعدوني

بنسبه لاسئلتج.. وش المولات القريبة من هالمنطقة؟
– ابن بطوطه مول
– دبي مارينا مول
– الامارات مول

أحلى شي في هالمنطقة..
– الممشى The walk
– جميرا بيتش.. شواطئ دبي بس ما انصحج به لانه كله اجانب هناك واللبس حدث ولا حرج..
– المترو
– وايلد وادي
وعندج دبي انترنت سيتي قريبه من مارينا فبتحصلين واااااااااااااااااايد مطاعم عربيه وكافيهات..

احلى مول وأحلى كوفي وأحلى مطعم..
في كل مول في مطاعم وكوفي شوب وخاصة في الممشى بتحصلين كل شي..بس ما اعتقد بتاخذين راحتج لان كله اجانب.. فتعالي للانترنت سيتي في مطعم اسمه فزاج لبناني يمي يمي يعجبني اكلهم..
انا ارتاح لما اروح ابن بطوطه الصبح ابد ما فيه زحمه ووايد عرب هناك وفي مطعم لبناني ما اذكر اسمه!!.. واحب الامارات مول بس وااااااااااااايد زحمه وخاصة بعد الظهر وكله انجليز وفي الفود كورت قسم الاكل انتي تختارين الي يعجبج وانا يعجبني مطعم حاتم الايراني..

وأفضل مركز تجميل بهالمنطقة؟؟
بما ان جميرا قريبه منهم بتحصلين صالونات بالهبل.. عندج صالون خاص للبديكير ومانيكير.. وفي منه في الانترنت سيتي جنب سوبرماركت "أسواق"
وصالون خاص للمساج وفيه منها بمنطقة البرشاء القريبه من الانترنت سيتي.. جنب الامارات مول..
صالون خاص للشعر لو تعرفين جويل الي تطلع في الا بي سي عندها صالون بجميرا..
وصالون خاص للحنى اسمه "رشنا"

والسؤال الثاني..
غير العبايات عندج جلابيات او اكسسوارات او قطع للزينه وكل هالشغلات بتحصلينها في المولات..