ريلي دومه ايقولي انتي دلوعه ماتعرفين تطبخين
واليوم اتفلسفت قلتله انزين اي شي في خاطرك بطبخه اليوم
وهو ساير الدوام
قالي يبا برياني تونا اونه اسهل شي حقي
وانا ماعرف اصلن كيف ايسوونه
مابا اتم صورتيه في نظره دلوعه وماعرف اطبخ
امبوني اقول بخلي البشكاره تطبخ وبقوله انا سويته
بس مااحق حسيت بغيريه ابا اسويه بروحي
بلييييييز اللي اتعرف طريقة برياني التونا اتساعدني
انا اليوم ان شاء الله بسووووووووووووووي
والله سهل لا تحاتيين
بكتبلج على طريقتي
ولو تبينه برياني اخلطي العيش والتونه
https://forum.uaewomen.net/showthread.php?t=762065
فوري العيش عادي مثل كل مره بس هالمره حطي عليه كركم وشويه بزار عشان يعطيه لون ( لا تكثرين)
الحين انيي للخلطه ..
– بصل
– طماط
– باذنجان
– فلفل أخضر بارد
-قرنبيط
– بقدونس أو كسبره
– معجون طماطم
—————
تقطعين الخضروات بحجم صغير شوي .. مب لازم تحطين كل اللي انا كتبته فوق حسب اللي متوفر
الحين بتحمرين البصل ، بعدين الباذنجان والفلفل البارد وتخلينهم شوي عشان يلينون …
عقب حطي التونه والبهارات .. حطي ماجي مكعب يعطيج نكهه حلوة .. عقب حطي الطماط و معجون الطماط مع شويه ماي .. وآخر شي رشه بقدونس
——————
يوم تخلصين الخلطه هاتي جدر ، وحطي شوي عيش فالقاع ، عقب فوقه تونه ، عقب عيش مره ثانيه وعقب تونه .. وآخر شي عيش .. وحي فوق شوية زبده وشويه عصير ليمون..
—————-
ان شاء الله شرحي زين ><
وبالهناااا والعافيه
فديييتج يا دلع عياييز انقذتيني
ايعلني ما اذوق حزنج
مشكوووره وماتقصريييين
الله يعطيج العافية
بس بعدين خبرينا شو بيقول ؟؟؟؟؟؟؟