بنات بغيت اخبركن انا ماخذه من عند وحده ويانا في المنتدى شنطه ماركه
ماريد اذكر اسمها لنها هي عارفه عمرها
اتخيلوا من 3 اشهور او اكثر لين الحينه مايبتلي اياه انا دفت لها وردت لي نص الفلوس
وهاذا الكلام من متى بدايت رمضان دفعت لها
يعني انا شو بفهمها انتوا شو رايكم انا كم مره اطرش لها رساله تتجاهل رسالتي ومع انها اهي اونلاين
انا مابعرف شو بسوي وياها هل اخبر الاداره عليها ولالا
وعندي ايميلها اقولها وين فلوسي اتقولي والله اسبوع الياي و توعدني و يمر اسبوع واسبوعين ولا يحصل شي
وبداية هاذا الاسبوع اونها اتقولي والله اخوها هو اللي سار يطرشه (سبحان الله) وتتصل فيه اونه مايرد
اسبوع كامل هاه ادقله وهو مايرد
ماشاء الله اتبيع شنط ماركات امها ومالها واتقول والله ماعندي فلووس !!
بعقولكم بنات منو هاي اللي ماعندها فلوس وتاخذ شنط ماركات
انا مشكلتي راعيت ظروفها اونها يعني عندها ظروف راعيتها اول مره ثاني مره ثالث و رابع وخامس ……. لين متى يعني بالله عليكم
اتبيع حق البنات ومايدرون البنات حليلهن ونحن بنتين الله يكون في عونا بس استوالنا هالشي
ما انصحكم تاخذون شنط ماركات من عند حد في بنات ماشاء الله ثقه مثل روزي وساموره وثنايا
Please بنات خبروني شو اسوي معاها والله مليت وطفرت ولاعت جبدي مب بس انا اللي استوالي هالشي حتى ربيعتي
وانتي سالفتج واايد طالت المفروض على طول تخبرين الاداره والله يرد الحق لاصحااابه
خبري الادارة و هم يتصرفون وياها
حرام عليها اتسوي حق بنات جي .. ما فكرت بآخرتها ..
كيف ترضى لنفسها تاكل فلوس حرام !!!!!!
خبري الادارة ختيه وان شاء الله حقج مايضيع