بنات شد الاعصاب بعد الزعل من ايلها

بنات انا ايني شي خاصه وقت التفكير الشديد والزعل جسمي كله ايشد خاصه الجبه والاكتاف ويوصل لين رجلي ونغزات بالقلب ورحت الامريكي وسولي تخطيط قلب وتصوير رباعي الابعاد وقالي الدكتور العضله والشراين 100% سليمين وبالعكس نصحني بالرياضه ومرة فتره وتكتشفت انه صدري الجهه اليسرى يطلع حليب باقي مانسف من الرضاعه وهذا الي يسبب لي اله فاليد وتحت الباط والصدر وخر مره زعلت وبالي مارتاح ورجع لي الشد وصرت خاف من كالشي ومانام ما حب الاكل ونزل وزني بطريقه ملحوظه ورحت مركز الاخصائين الطبي وسولي تصوير رباعي الابعاد للقلب وتخطيط قالي انتي شباب وقلبج شباب وبالعكس تركضي كاليوم ساعه قالي هاي حاله نفسيه لازم تتخلصين منها ورحت عياده نفسيه وقالي هاي حاله هلع وخوف وقلق وفعلن نا الوسواس متمكن منيواشك في زوجي والامراض واتخيل انه فيني السرطان واشيا وايد وحتى المطاوعه سرتلهم والحمدالله ما فيني شي كان مس وخلاص قرى عليه وافتكيت بس هالحاله من افكر شوي ولا زعل ردت لي بنات حد منكن ان زعلت اعصابها اتشد وماتشتهي الاكل

يالغايه سلامتج وصدقيني اي اعراض تجيك ومالها سبب على طول اقرائ سورة البقرة والاذكار لا تنسيها لان المس شغلاتهم يلهون الواحد عن عبادته وعن حياته واخرته وارجوا ان تاخذي كلامي بجديه

حبيبتي اذكري الله وابعدي عنج وساوس الشيطان انامثلج يوم ازعل وافكر وايد احس انه رقبتي وظهري متشنجين واحيانا احس بنغزه في القلب واخاف اسير افحص عن ايقولون فيه شي اختي كثري من اذكار الصباح والمساء ويوم اتحسين عمرج ظايجه اتمسحي وصليلج ركعتين ادعي ربج فيهن انه يبعد عنج وساوس الشيطان

يوم تتظيجين و تزعلين قومي توضي و صليلج ركعتين
و الرياضة بعد تهدي … القرآن لا تقطعينه .. لا تكبتين في داخلج
كله ولا شك و الظن السيء و خاصة في الزوج و لو كان في محله
شكج أطردي الوسواس و خلج واثقه من نفسج ومن ربج و من اللي حوالينج
وما طار طير و أرتفع إلا كما طار و قع مردها الأمور تنحل الا الصحة ما تتعوض

اختي ام سلطان

انا فاهمة بالضبط حالتج لانها جتني فتره

وظنيت عندي القلب بس الحقيقه انها قلق وتوتر دائم موجود عندج ويزداد عند اي مشكله نفسيه ويسوي مثل نوبات ممكن اوصفلها لج يسمونها نوبات هلع ( بانيك ) معروفه جدا

تحسين بنغزات بالقلب وتوتر فظيع وافكار سلبية وتحسين احيانا بهبات حراره ودقات قلب قويه وسريعه وتخافين تموتين فجاه وماحد درا عنج

ان كان هذا فعلا اللي يصيبج ممكن اقولج كيف تعالجت ولاتخافين هالحاله وايد منتشره ووايد عبالهم انها مرض عضوي وغالبا هالحاله تجي للناس اللي يفكرون وايد وحساسين

سلامتج حبوبه ولاتهملين هالحاله لانها فعلا تتعب وترهق وتخليج خوافه دوم تجيج وتتنكدين

بس ملاحظه : موضوع الحليب له علاقه بالهرمونات لازم تحللين وتضبطين الهرمونات لان اختلالها يزيد بحالة التوتر والقلق هذي

وسلامتج ولاتحاتين مافيج شر باذن الله

سلاما ام سلطان بنات المنتدى ماقصرن بس انا يوم ازعل اواحد يحاول يسوي مشاكل معاي ماقدر اكل نفسيه تنسد
بس اقرا سورة البقره تخوز عني الهموم
والسموحه

سلامتج الله يبعد الشر عنج