انا كملت سنة من عرست حملت مرتين ونزلت والحمد لله
المهم احين قررت ارد احمل باذن الله بس سرت للدكتورة كرامة ف راك اللي يعرفها
قالت لي عندج تكيس وضعف ف المبايض وعطتني كلوميد وفوليك اسيد استخدمه ثاني يوم الدورة
بس انا خايفة استخدم كلوميد فكرت استخدم اشياء طبيعية بدال الكلوميد مثل الميرامية بس بعد اخاف مااييب نتيجة
يلييز شورو علي استخدم الكلوميد والا لا
على فكرة عندي وزن زايد 
وافكر انزله احين باذن الله
روحي عند دكتورة ثانية افضل
عندج نورميلاااا ربيعتي واااايد تمدحها
كرامة شاطرة بس في امور الالتهابات اما الاشيا الثانية بصراحة ماانصحج فيها واجهزتها قديمة
وبالتوفيج الغالية 
..
الله يرزقج الذرية الطيبة يارب انت وكل محروم
أما بالنسبة للتكيس فالله أعلم سمعت عن حبوب طبيعية من أعشاب أسمها فايتكس تستخدم للتكيس والضعف اسألي عنها بعد اكثر وممكن تلقينها فمحلات الاعشاب أو عند نيوترشن وربي يرزقج
الله يسهل عليج الغالية
أنا في كل حمل أخذ الكلوميد ف الشهر نفسه تيني الدورة و الشهر الثاني أحمل … الحمدالله … صح إني انحبط .. بس أتفاجا الشهر الثاني أكون حامل
الحمدالله …. يوم سألت الدكتورة قالت الكلوميد يتم 3 شهور مفعوله
وعن الكلوميد اتوكلي على الله وخذي وان شاء الله تحملين يارب وعلى فكرة في فرصة انج تحملين بتؤم
وان شاء الله تفرحينا الشهر الياي بحملج يارب
وان شاء الله تفرحين بشوفت ضناج جريب يارب