بنات عيمان وام القيوين ممكن

بغيت اسألكم شو احسن بنظرك مدرسة الحكمه الخاصه ولا مدرسة الوطنيه

بليز اللي عندها حد هناكي وقدر تفيديني

وعساكم عالقوه …

انا انصحج بالوطنيه صدق روعه تدريسهم انا عندي اخويه كان يكره شي اسمه مدرسه والسبب مدرسة الحكمة لانهم يهلكونهم من الواجبات بشكل فضيع يخلي الياهل يكره الدراسه وكيف يرسب في مواد امتحنهن اخر السنه والمواد لي غاب فيهن ناجح ؟!! المهم رسب صف اول وعادوا له اياه في الوطنيه ويوم حولناه الوطنيه بروحه ينش ويحب المدرسه ودرجاته ما شاء الله عاليه لانه عندهم اسلوب تشجيع الياهل ويكافؤنه وكل يوم ياي شاق الحلج( انا غلبتهم وانا حليت بسرعه )واللي اكتشفناه انه في حفله من الحفلات الخاصه باليهال كان يحل ويجاوب مع اللي تسويلهم مسابقات وهي انقليزيه يعني ولدنا طلع ذكي وشاطر ويتكلم انقليزي احسن من اخوانه لي اكبر منه والحفظ عنده استوى وايد سهل بالنسبه للغتين لانهم يخلونهم ينشدون الدروس عكس يوم كان في الحكمه لي يوميا ضرايب وصياح وعايف المدرسه بشكل ماتتصورينه وطبعا غير الدرجات الميييييييح حتى العربي ماكان يقراه عدل فما بالج بالانقليزي..بس بعد ما بظلم المدرسه لانه في ناس ارتاحوا معاهم وفي لا انا عن نفسي اتكلم عن تجربتنا الشخصيه مع كلا المدرستين واذا محتاره استخيري قبل ما تحطين عيالج في اي مكان وبالتوفيق..

هلااا الغاليه انصحج بالوطنيه وااايد زينه بصرااحه انا ولدي والله انه ماكان يعرف يقوول ولا حرف عدل الحين ماشالله تعالي شوفيه الله يحفظه في كلمات ينطقها بالنجليزي انصحج فيهاا

تسلمون على ردروكم ..

انا ولدي درس صف اول في الحكمه وثاني في الوطنيه بس مادري ليش مارتحت لهم وايد

اللي خلاني اظهره من الحكمه هي الزحمه اللي في الصف والباص وايد بصراحه بس كنت مرتاحه لتاسيسهم .. والوطنيه ولدي وايد يشكى من مشاغبة الاولاد اللي وياه وعدم مبالاة المدرسين بهالشي وكل والثاني معاقبينهم بسبة مشاكل الصبيان اللي عنده في الصف

وبالنسبه لمستواه احس في الحكمه كان يتعلم اكثر ومستواه احسن بوايد من الوطنيه

مادري شسوي محتاره اخليه في الوطنيه ولا ارده الحكمه

المدرسة التوب فعيمان النموذجية – مشيرف

صح كلام القمزيه بسسسسسسسسسس مب اي حد ينقبل عندهم ….
ولد اختي سوووله امتحان وانقبل …اما بنت اختي الثانيه سووولها وما نجحت فيه والحين داااير راسهاا وين توديهااا ….ما خلت مدرسه ما دخلتها والحكمه اصلااااااماتبغيهااا لانه يمللوبهم من كثر الواجبات …. واذا موووووليه يمكن تردهاااا الوطنيه ..
الله المستعان