السلام عليكم ورحمة الله وبركاته
بناااات انا ربيعة راعية النك انا عمري 24 سنه ادري اللي بقوله كثير منكم بتقول عيب وحرام
انا اعرف هالمعلومه فما بغي تخبروني اياها انا احب واحد واكلمه وبينا قصة حب هو يحبني
يعني يقول بس تدرون انا اموت وعلييييييييييييه واعشقه وماتخيل حياتي بدونه
تدرون الحب اللي ف قلبي مب مراهقه عمري 24 بس هو مايبغيني عرس 
.gif "12 (46)")
وايد يلمح لي انه مايباني عرس ويوم اقوله حد ياني يقول استخيري
ويخبرني انه قال لاهله مب الحين تختارون عروسي تريو عقب
انا الحين خطبني واحد
اخاف اوافق وعقب اندم لاني احب هالشخص
انا تعبت من التفكير بس اقوله بستخير وبخليها على الله
بنات لو تعرفون خطه اسويها اخليه ايي يخطبني ولا اسويله طاف واعرس واكمل حياتي
لان اكيد بيي يوم هو وبيخليني وبيعرس مابيفتكر فيااا
بناااااااات الله يخليكم لاتجرحوني والله اللي فيني مكفيني
وبعدين انتي تعرفين انه مايبا ياخذج ليش معلقه عمرج عليه؟ ولا اونه يحبج بعد اي حب هذا اللي ابروحج اتعرفين انه حرااااااااااااااام وثاني شي اللي يحب ماعتقد بيقول استخيري هههه سمحي لي بس هذا مب مال عرس لاتعلقين عمرج ع الفاضي
قولي الحمدلله في حد يا يخطبج غيرج مكملات ال30 سنه ولا حد اتقدم لهن … اللي اشوفه اقطعي علاقتج فيه واستخيري وان شا ءالله اتعرسين وتنسينه
اعرف كلامي مابيعيبج بس هاللي لازم اتسوينه
الجأي لربج احسن من الحب وخرابيطه
اضم صوتي لصوتها و دائما الجئي لرب العالمين في كل امورك
نصيحه مني قطعي علاقتج ويااه واستخيري ف خطييبج وان شاء الله الله بيجدم الي فييه الخييييييييييييييييييير وتنسينه وتنسين طوايفه بعد
الله يووفقج ويستر علييج ويستر ع جميع
لان الحب الحقيقي يي بعد الزواج
والريال الي يقولج استخيري ابدا ما يفكر فيج
ولا يباج زوجة له
اسمحيلي الغالية يمكن كلامي قاسي
لكن الي ما يفكر فيج لا تعبين روحج وياه
دوسي ع قلبج وتذكري انج لو ماتركتيه بيطوف عمرج وبتعنسين عند اهلج
تزجي واقطعي علاقتج في هالشخص وكل شي يتعلق فيه وريلج بنسيج اياه وبينسيج طوايفه وبتحصلين الحب وبتندمين انج عرفتي حد غيره
وربي يستر عليج وعلينا وعلى جميع بنات المسلمين
المشاركة الأصلية كتبت بواسطة هنادين 
وبعدين انتي تعرفين انه مايبا ياخذج ليش معلقه عمرج عليه؟ ولا اونه يحبج بعد اي حب هذا اللي ابروحج اتعرفين انه حرااااااااااااااام وثاني شي اللي يحب ماعتقد بيقول استخيري هههه سمحي لي بس هذا مب مال عرس لاتعلقين عمرج ع الفاضي
قولي الحمدلله في حد يا يخطبج غيرج مكملات ال30 سنه ولا حد اتقدم لهن … اللي اشوفه اقطعي علاقتج فيه واستخيري وان شا ءالله اتعرسين وتنسينه
اعرف كلامي مابيعيبج بس هاللي لازم اتسوينه
الجأي لربج احسن من الحب وخرابيطه
نفس الكلام ولا أزيد.