شخباركم بنات؟؟ إن شاء الله كلكم تمام..
بصراحة ربيعتي عندها بنت ما شاء الله في عمرها ألحين 6 شهور…. لكنها لا رقاد ترقد.. ولا حليب تشرب… ولا أكل تاكل… يعني ولا شي…. وفوق هذا كله تصيح… والله ربيعتي تقولي المرضعة اتم ثلاث أربع ساعات.. وما يشربون منها إلا أقل القليل… من فترة أنا كانت عندي مناسبة وسرت أتعدل عندها.. تخيلوا شفت بنتها والله اللي تشوفها مستحيل تعطيها ست شهور…. تعطونها أقل بوايد.. وحتى شربها لو شفتوه بتقولون شرب ياهل توه مولود…. والله كل ما حد من أهل ربيعتي يشوفون بنتها يقولون لها وايد حجمها صغير وأبدا ما تشرب…. جربت كل الطرق ما فاد… تحاول ترقدها بكل الطرق ما في أي فايدة.. يابت لها المنز المتحرك ما فاد.. تحط لها حتى مرات قرآن.. ما فاد… موسيقى تنومها ما فاد… تشيلها بعد ما فاد ويالله يالله تشرب… بالزووووووووووووووووووووووووووووور… ورقاد الفليل أبدا…. ما في… حتى الحليب اللي كانت تعطيهم غيرته بعد فاد… حطت في بسكوت على الخفيف عشان قالت يمكن الطعم طبعا بعد ما قرت كتب ومشت على نصايح أهل الخبرة.. بعد ما فاد… والله كل شي جربت ما فاد فيها أبدا…. المرضعة والله اتم بالساعات وتجب الحليب وتغير لأن حليب الياهل بسرعة يخترب… ما فاد… جربت كل شي.. حتى ماي غريب جربته لأنها قالت يمكن الغازات تكون مأذتنها لا تخليها تنام ولا تخليها تشرب بعد ما فاد…. طبعا سألت دكتور عن طريقة استخدامه وقالها ومشت على نصيحته….
أكثر عن جي شو ممكن تسوي؟؟؟!!!!!! ما أحس إنها خلت شي إلا وجربته!!!!
أرجوكم الأمهات اللي يعرفون في مشاكل الأطفال من هالسن يساعدونها… لأنه ربيعتي متبهدلة مع بنتها…. ولو تعرفون رقم دكتورة أو دكتور يكون وايد شاطر يكون أحسن…. ويكون خبرة في جي مواضيع…
ومشكورات..
الظهر اترس الحوض الصغير بو عشر دراهم من اسواق الامارات اترسه ماي وخليها تلعب وتقعد فيه واييب لها كور الوان كور صغار واقعد برع الحوض والعبها والجو حاااااااااااار عادي تقعد تلعب في الحوض والله ساعه وساعه ونص اخليها تلعب بدفاشه واخليها تتعب وايد وعقب البسها ويلا صحن العيش والسمج جدامها واتعمد يكون سمج لانه وااااااااااااايد مهم للطفل وتقعد تاكل بشراهه واقعد اطالعها بفرحة الانتصار اني قصيت عليها معروف السبوح في البحر او في الحوض وااااااااااااااايد ايوع صدقيني بتفيد هالحركة ومرات اعطيها موز والله تاكل الموز بطريقة كانها مب ماكله من سنه
اختي الياهل دايما ينقص عليه بشي يحبه
حتى مرات اوديها الالعاب الالكترونية الموجوده في الجمعيات اللي نحط فيها الدرهم اخليها تلعب كذا مرة تقريبا على المرة الرابعة اطلع بسكوت نبيل من شنطتي واعطيها وحده ورا الثانية وهي مشغوله في اللعب وبسكوت نبيل تراه وايد مفيد بعد للياهل
وبعدين هي عمرها ست سنوات يعني تقدر تعبر جردنيها لين تخبرج شو تبي تاكل مع العلم ان بنتي عمرها سنتين ما شاء الله صح تعبت بس لاااااااااازم اسوي جذه عشان تاكل ولا بتمرض مرة ورا مرة
وما عليج من الدكاترة اسئل مجرب ولا تسال طبيب واسفه عالاطاله
تخيلوا والله بنتها حتى تنجلب لين ألحين ما تقدر…. مع إنه بنات أهلها نفس العمر ينجلبون وعادي… إلا بنتها.. يعني تشوفون حجمها ما تعطونها أبدا عمر 6 شهور…. ماعرف شو سالفة بنتها…. وايد متعبتنها… بس هي قالت لي إن في فاتح شهية للأطفال تعطيها عشان تاكل.. لأنها حاولت معاها بكل الطرق اللي تخطر على البال واللي ما تخطر.. ما فاد أبدا….
مب عارفة كيف تتصرف مع بنتها!!!!!!!
عطوني الحل يا بنات أرجوكم…
وااااااااايد غمضتني الصغيرونه .. اكيد فيه شي مضايقنها بس مب عارفة كيف تعبر..
المهم أنا اتعامل ويا دكتور ف دبي مجابل السيتي.. واااااااااايد ممتاز.. ودوها عنده
04-2950007
اسم العيادة البوليكلينيك
الدكتور المتواجد ألحين اسمه بهاء الدين واااايد شاطر
(كان واحد اسمه عبدالكريم مخلوف بس مسافر للعلاج.. الله يعافيه)