بنات وين حقوق المراة الاماراتية ساعدوا ربيعتي

السلام عليكم
بنات ساعدوا ربيعتي الله يخليكم وهاي سالفتها تبكي

هي تزوجت من اسبوع وتزوجت مواطن زوجته الاولى وافدة وبالتالي كان محروم من من حقوقه القانونية في الزواج كمواطن وتزوج ربيعتي المواطنة لمصلحة يرجع حقوقه الي ضاعت
تزوجها من اسبوع عقب يوم الدخلة ما شافته واتصلت عليه تسال يقول ودريني لا تتصلين علي
ويرسل لها مسجات تجرحها كي تطلب الطلاق وتطلع من المولد بلا حمص مثل ا نقول
مسكينة تمت تصيح ولا تدري شو تسوي لا يصرف عليها ولا حتى كلمة طيبة وقدم لصندوق الزواج كي يستفيذ وعقبها هي تمل وتطلب الطلاق وتحرم من كل حقوقها
مسكينة منقهرة وسط اهلها ما تدري من وين جاتها المصيبة وتقول بس ربي يفرجها

الحين نبا مشورتكم والي عندها خبرة في امور الاحوال الشخصية والقانون بالامارات تساعدها بالحل شو تسوي حتى لا تحرم من ادنى حقوقها وهي النفقة الشرعية ناهيك على انه متزوج زواج مصلحة فقط كي يستفيد بيزات من صندوق الزواج

عافكم الله من كل سوء ساعدوها شو تسوي وجزاكم الله خير

الله يعينها… والله يا أختي ما أعرف شئ… بس ما حبيت أطلع بدون ما ادعيلها… عليها بالدعاء لأنها مظلومة ودعوة المظلوم مستجابة

يزاج الله خير اختي بارك الله فيج على صالح دعائك والله ينصر المظلومين

خليها تتصل بالبث المباشر و الله تقدر تقلب الدنيا عليه

او حتى ترفع قضية تظلم… هذا ملج عليها بس عشان فلوس صندوق الزواج

زين خبريني اختي كيف بارك الله فيك وجزاك عنا خير الجزاء

الله يعينها و يساعدها ان شاء الله .. خساره في ناس بهالشكل هالايام ..الله المستعان..

بصراحه ما عندي خبره في هالامور بس تقدر تتصل في المحكمه او احد المحامين

و تشرح لهم موقفها و ان شاء الله يساعدونها ويقولون لها شو لازم تسوي..

و ربي يفرج همها ان شاء الله

هذي جزاة الي تتزوج بدون ما تعرف الريال زين ولاتسال عنه

واللحين لو ترفع عليه قضيه احسن وتخليه يندم على الي يسويه

صدق مب ريال

والله يعينها