انا صار لي فتره اعاني من صياح بنتي الله يهديها ويبارك لي فيها
ما كانت جي قبل الحين بس من شهرين صارت تتعلق في ملابسي وتلحقني وانتوا بكرامه حتى للحمام وما تبا ابوها خير شر ولا تبا أي شخص ثاني يجيسها الحين عمرها سنة و3 شهور وانا حامل في الشهر الثامن واحس كل ما يقرب وقت ولادتي كل ما زادت في عنادها وصراخها وعصبيتها
والله محتاره وياها ماعرف شسوي ..امي تقول لي ان الياهل يحس اذا امه بتيب ياهل ثاني على راسه وانا متبهدله وياها حتى في السوق او الجمعيه ما ترضى تقعد في العربانه بس تبيني انا اشيلها وانا حالتي حاله مش قادره اسوي منها شي احس انها مربطتني والله يا بنات ما ابالغ تعبت واحاتي عمري يوم بولد كيف بتصرف وياها والمشكله انها صغيره لو بكلمها ما بتفهم شو اقول لها
الله يعيني بس
اكيد وايدات منكن مرن بنفس الماساه ؟…
ترا مرات اليهال اذا كان يوعان ولا يبى يرقد جي يكون كله يصييييح ويمكن طالعلها ضروس
فتتألم الطفل جي اذا حس باللم ولا شي يلجأ للام على طول جربي تاخذيلها اللعاب !!!!
ان شاء الله أكون افدتج
نصيحة مني طبيقيها وما بتندمين… خذيلها قصص للأطفال تكون فيها صور للبيبي مثلا يتسبح ويشرب حليب وراقد عشان تعرف إن مب هي الوحيدة البيبي ترا في غيرها وبعد طلعي ملابس النونو وخليها تلعب فيهم او رتبيهم جدامها وخليها اتساعدج أكيد بتخرب بس صدقيني بتستعد نفسيا للبيبي اليديد…. خذيلها عروسة بحجم المولود وخليها تلسبها من ملابس النونو وتغير الحفاظ …. لازم تتعاملين معاها كأنها وحدة كبيرة وفاهمه لأنها فعلا فاهمة بس مب عارفة تتكلم ولا تعبر…. أفتحي اليوتيوب وحطيلها فيديوهات مواليد صغار خليها اتشوفهم عشان تتعود عليهم لأنها اكيد ما بتتذكر نفسها وهي نونو…. والأهم إنج ما تتوترين ولا تشيلين هم مرحلة وبتعدي إن شاءالله… أنا بنتي كانت تلبس ملابس أخوها النونو وترقد ههههه وأنا عااادي ولا امنعها صدقيني أسبوع أو أسبوعين شبعت وطلعت اللي في خاطرها وارتاحت…. ربي يحفظلج بنتج وتربين بالسلامه يارب…
المشاركة الأصلية كتبت بواسطة ماما سلطان 
نصيحة مني طبيقيها وما بتندمين… خذيلها قصص للأطفال تكون فيها صور للبيبي مثلا يتسبح ويشرب حليب وراقد عشان تعرف إن مب هي الوحيدة البيبي ترا في غيرها وبعد طلعي ملابس النونو وخليها تلعب فيهم او رتبيهم جدامها وخليها اتساعدج أكيد بتخرب بس صدقيني بتستعد نفسيا للبيبي اليديد…. خذيلها عروسة بحجم المولود وخليها تلسبها من ملابس النونو وتغير الحفاظ …. لازم تتعاملين معاها كأنها وحدة كبيرة وفاهمه لأنها فعلا فاهمة بس مب عارفة تتكلم ولا تعبر…. أفتحي اليوتيوب وحطيلها فيديوهات مواليد صغار خليها اتشوفهم عشان تتعود عليهم لأنها اكيد ما بتتذكر نفسها وهي نونو…. والأهم إنج ما تتوترين ولا تشيلين هم مرحلة وبتعدي إن شاءالله… أنا بنتي كانت تلبس ملابس أخوها النونو وترقد ههههه وأنا عااادي ولا امنعها صدقيني أسبوع أو أسبوعين شبعت وطلعت اللي في خاطرها وارتاحت…. ربي يحفظلج بنتج وتربين بالسلامه يارب…
مع الاخت 
الله يحفظ بنتج و يسهل ولادتج 