بنتي صارت تطلب الحمام لكن .

السلام عليكم ورحمة الله و بركاته
عندي بنت عمرها سنتين و شهر
بديت أعلمها على الحمام

و صارت تخبرني يوم تبا تسويها لكنها تطلب البامبرز ما تطلب الحمام
ما تطيع تسويها في المرحاض عزكم الله حتى لو قعدت معاها في الحمام ربع ساعة
و اذا لبستها بامبرز تسويها على طول

شو الحل معاها ؟ هي تعرف تطلبها، بس ما تسويها الا في الحفاظ !
الي مر بنفس الحالة يخبرني

الموضوع محتاج صبر وصبر وصبر

حاولي تكرهينها بالحفاظ,يعني خبريها ان يع وسخ ومن هالكلام
ولا تخليها تشوف حفاظات اصلا,خلي الكيس فاضي ,يوم تطلب حفاظه خبريها انه خلاص مافي,هتضطر تسويها بالحمام
خليكي حازمه مايصير تسايرينها
والله يوفقك

أختي أستخدمي لها نونية( اللي تي على شكل حيوانات وفيها داخل علبة ) اختاري حيوان تحبه ما تخاف منه , وحطيها لها على أرض الحمام . وبعد ما تخلص أفتحي العلبة ونظفيها .وفيه النونية الثانية اللي تتحطى على كرسي المرحاض , هذه تستخدم للأطفال اللي تعودوا على التبرز بدون الحفاضات ,بس فيه أطفال ماشاء الله عليهم من أول يستخدموه بدون مشاكل . بس عموماً المرحلة هذه محتاجة صبروطولة بال , ربي يوفقج أختي .

اللهم بارك فيهاا

حبيبتي انا ولدي كان مثل بنتج اذا يبي يتبرز لازم يلبس البامبي كنت البسه وأنا البسه اقعد اقوله ماما احد بيشوفك احينه بيقولون حمودي بيبي يلبس بأمبي بيضحكون عليك ماما عيب وجيه وضليت معاه ع هالحال لحد ما أتشجع مرة وعملها بالحمام وقمت امدحه وااااايد جدام ابوه حسسته انه سوا شيء كبيررر فترة وبتعدي ان شاء الله

مشكورات خواتي على النصايح
بحاول أكون صبورة أكثر
و بجرب الطرق الي اقترحتوها
يزاكم الله خير

أختي مالك إلا الصبر و ماتشوف بامبرز نهائيا في البيت ولما تنام تحطيلها البامبرز دون ماتحس… يعني بين الترغيب و المكافئات وشوية حزم لا بد منه في نفس الوقت