بنتي فديتها عمرها 3 شهور واسبوعين ماشاء الله وكله ترضع طبيعي بس .. احاول ادخل الصناعي بس ماتتقبل المرضعه تعبت من ها الحال بس ان شاء الله بتتقبلها واتعب يوم ان احس صدري مافيه حليب وهي تصيح يوعانه 
فانا اعطيها الضحا سح والمغرب بسكوت فارليز في ماي ع الاقل يشبعها ؟؟…
لكن شو تقترحون عليه اعطيها بما ان الحين تمشي في الشهر الرابع
بليز ادعولي ان بنتي تاخذ المرضعه وارتااااااااااح شوي ابا اطلع وانا مرتاحه
حتا ماقدر اطلع صالون ولا شي واخليها اخاف كله تصيح ولو اشفط لها ماتبا المرضعه اذا عندكم حل قولولي بليز
صح ان مستحيل اخلي بنتي واسير بس احيانا مجبوره اطلع اخلص شي مني مناك 
فديتها ماتهون عليه
احس تعبت كل ماشتكي لحد قلت افتح قلبي لكم
تخيلو وزني 40 واحس كل مافكر في السالفه اضعف اكثر
والسموحه
حياتي لاتحاتين ولاتفكريين ان شاءاالله بتتقبل المرضعه بس اصبري عليها
والله الحال من بعضه حتى علاوي ملعوزني واااايد مزاجي وما ياخذ المرضعه الا لما هو يبا قمت آخذه معاي كل مكان حتى الصالون آخذه معااااي هههههه بس الصبح عسب ما يكون فيه زحمه
المهم بخبرج انا عن نفسي شو اعطي ولدي ماشاءالله صلينا علة النبي
اعطيه بطاطس مهروس وتفاح مهروس وموز مهروس واحطي عليه شوية عصير برتقال
والحين هالايام بديت اعطيه سيريلات بالقمح وبسكويت ميلوبا احط عليه حليب صناعي واسويله شوربة شوفان مه الحليب الناعي
ومن الايام تليايه ببدأ اسويله العصاير وعيش مهروس مع بطاط زجزر
اهم شي لاتخلينها تيوع ولاتزيد عليها شوي شوي
ولاتفكرين وااااايد حبيبتي اهم شي صحتج
يعني يوم تكمل ميره 4 شهور اسولها بطاطا وها السوالف صح ولا عادي ابدا الحين ..
بس ابدي معاها الاشياء الخفيفه ووجبه وحده يوميآ
سويلها مره تفاح مهروس ومره موز مهروس اعصري عليه شوية برتقال وذوبي البسكوت في الحليب الصناعي وعطيها بس بكميات بسيطه اللين ما تتعود معدتها على الأكل
الغاليه صبري عليه من تدخل ال5شهور عقب عطيها سيريلاك والفارليز
شواخبااااااارج//،،،،،واخبار عروستنا الحلوه…..
فديتج انا بديت ويا بنتي من الشهر ال6 <<<< سرت ع رمست الدكاتره
بس الصراحه احس الشهر السادس وايد تأخرت،،، ولين الحين سارونا ماتتقبل الاكل،،،
خلج على طريقة ماماتنا ،، من تكمل الشهر الرابع ابدي سوي لها الاكل،،،
بطاط مهروس،،،،
تفاح مفور.,,,,,
عيش ،،،،بدون ملح
(فارليز،، سيريلاك،،،))
وربي يحفظها لج
صبري شهر