بنتي ماتشرب حليبي شو اسوي

بنتي عمرها اسبوعين .. كانو يعطونها فالمستشفى حليب صناعي لانه ماكان فيني حليب وعقب يوم ياني الحليب اشربها اتم اتصيح يمكن مايطلعلي حليب وايد وهي شكلها تبا شرات المرضعه انه يطلع الحليب بسرعه والحين نحن فالاسبوع الثالث شو اسوي عسب تشرب حليبي والاحظ انه خف حليبي بعد مب شرات قبل … وثاني شي انه فيها غازات واتم تعصر بطنها ساعات وتحمر والدكتور قال هالشي عادي بسس امسحو ظهرها بعد ماتشرب حليب عسب تدسع بس انا بديت اعطيها شاي اليهال ودوا بونيسان للغازات فشو اسوي عسب الغازات وهالشاي والدوا اوكي ولا؟ وثالث شي حليب اس 26 جولد اوكي عن تجاربكم ولا هو اللي يسوي الغازات ومشكووورين اتمنى تردون علي

انا استخدم اس 26 جولد .. حلو وااايد حق اليهال ..
بس المغص فيهم طبيعي لين 4 شهور بعدين عادي ..

جوفي اصعب شي الياهل يتعود ع الصناعي ورديله الطبيعي ..
المرضعه اسهل بوايد حقهم ..
بس انتي تمي تعطينها طبيعي لا تقطعينه بتتعود والله ..

للرفع

لما ترضعي اشربي كوب كبير ماي لجل الحليب ينزل بدون تقطع

واشربي حليب كامل دسم بكثرة وحلاوة طحينية

وخليها تتعود عالحليب الطبيعي افضل

مشكوووووورين على ردكم

حبيبي الغازات شيء طبيعي عند البيبيات فديتهم لحد ظ£ شهور او أربعه واليانسون وشاي الاطفال و دواء. انفاكول قبل الرضاعة بربع ساعة وتمسحين ع ظهرها بعد الرضاعه يخففون من المغص بس الا ما بيبهم وحليب. 26 استخدمته لولدي البكر وااااااايد اوكي وحاول قد ما تقدرين ترضعينها طبيعي أهي بعدها زغنونه 3 أسابيع صدقيني راح تتقبل الصدر وانتي قبل لا ترضعينها دفيء صدرج وشربي ماي عدل قبل لا تعطينها صدرج انتي اعصري الحلمة وشوفي الحليب يظهر والا لا مرات تكون عيون او فتحات الحلمة متكسرة بس تضغطين بقوة بتقلينها تنفتح واهم شيء الطبيعي لا تستلمين أكيد بتتقبله لانها صغيرة وربي يحفظها لج وتفر حين فيها

الحمد الله على سلامتج ومبروك البنوته

اشربي ماي وايد ورضعيها بالليل ما عليه اتحملي شوي رضعيها ان شاء الله لما تكبر مناعتها بتقوا

الله يصبرنا الرضاعه مب شي سهل