بنتي والامسااااااك

هلا حبايبي
بنتي فديتها عمرها سنتين ونص تعاني من الامساك الشديد القوي يعني بالاسبوع مره وحده يمشيها بطنها وبصعوووووبه
يعني يوم تبا تحس بالام فبطنها ويوح ويرد عليها الالم لثلاث ايام
وديتها المستشفى وعيادات ونفس العلاج
حبيت ااخذ نصايحكم
ساعدوووني

هلا اختي حاولي تشربينها برتقال فرش يلين بطنها وعنب واكليها زبادي
واذا تشرب ينسون دافي
وسويلها على بطنها مساج بزيت الزيتون بعد ما تدفينه يمكن يريحها وتسويها

والله يشفيها كلنا جذي ويا عيالنا

البرتقال اختي احسن شي صدقيني وشربيها مي ووووووايد من اول ماتصحى عوديها تشرب مي وايد زين والعنب بعد اوك

والله يحفظها لج من كل سوء

السلام عليكم ،
أخني انصحج بالتمر بعد وووايد زين
وفي تحاميل تنباع مال الأمساك ان شاءالله ينفع وياهااا
والله يشفيها ويعافيها آميين

فديتكم مشكوووووورات ع الردود

افضل شيء التمر
وفيه دوا يبيعونه بالصيدليه عباره عن اعشاب طبيعية

والله بنتي عمرها سنتين وشنطبهر وماخليت مستشفى ولا دوى و لاتحاميل ولا زيتون ولا عصير برتقال ماتم شي اخر شي اكتشفت انه حليب ابو قوس له مفعول شربتها عالريج طبعا الحليب اللي ينطبخ مع الشاي صدق له مفعووول والله من امساك لين اسهال انصدمت
ماشالله يعني صدق له مفعول