بنتي والحمام

السلام عليكم خواتي …

اتمنى احصل المساعده من ذوات الخبره بنتي عمرها سنتين وشهرين واحاول اعلمها ع الحمام .. اول يوم يوم شافت تكرمون البي بي ينزل منها خاافت ومن ساعتها بنتي تحبس البول حتى لما اتكون لابسه بامبرز وتقعد اتصييييييح لين خلاص تفقد السيطره وتطلع روحها !!

انصدمت من ردة فعلها لدرجه امس وديتها للدكتور على بالي انه فيها الم امساك .. وهالشي مايصير عندها الا الصبح اتقوم ماسكه نفسها وماترضى اتسويها في البامبرز او في الحمام ؟؟؟

احين ابغي اعرف هل اكمل اعلمها على الحمام ولا اتريا عليها ؟ ولو شافت الكبيره شو راح اتسوي اذا ردة فعلها للصغيره جذي

الغلط الي إحنا دوم إنسويه إنا نعود عيالنا على لبس البامبرز بشكل دائم …. لازم في اليوم نعودهم أنهم ما يلبسونه حتى لو فترة بسيطة أثنا لعبهم في حديقة البيت أو في مكان يسهل تنظيفة عشان ما يحسون ان البامبرز جزء لا يتجزأ منهم…. خصوصا من يبدا الطفل يتحرك …. بتنج أكيد بتتعرض لصدمة نفسية إذا وصخت نفسها لأن في قرارة نفسها تحس انه شي خطأ … فأنتي حاولي تاخذيلها كرسي حمام صغير على شكل لعبة لين ما تتعود عليه وحطيه برع الحمام مب شرط داخل لين ما تتعود تيلس عليه ….حاولي تشلين عنها البامبرز وقت العصر يوم تلعب ولا تذكرينها فيه…. وإنشا الله تدريجيا بتتعود تعيش بدونه … وبالتوفيق

مشكوره ام خالد ماتقصرين وباخذ نصيحتج بعين الاعتبار

والله نفس عمر بنتي ونفس الشي صارلها وديتها الحمام ويوم خلصت شافت
البراز تمت تصيييح وعقب ما بغت الحمام بس تميت كل يوم اوديها واصفق لها
يوم تخلص واعطيها حلاوه والحين عادي ماتتروع بس بعدها تلبس البامبرز وقت الرقاد

انا و الله تعبت كل يوم الفجر اتقوم اتصيح حصلانه وماترضى اتسويها لا في الحمام ولا في البامبرز اليوم ثالث يوم ونفس الموال

بس يوم اتقول لي ماما حمام اوديها انروح وانرد عالفاضي اقوللها ماما انتي لابسه بامبرز ماعليه سويها اهنه ماترضى اتخاف !!!

يمكن اتخاف اتوصخ اثيابها و الله مب عارفه شو موضوعها بالضبط ..

الله يعينج
ان شاء الله البنات يفيدونج

للرفع

مشكووره