وانا خايفة … موسوسة … مادري كيف!!
اخاف بنتي تتعب في السفر
هو سار وحجز بس ما أكد الحجز
انا ساكتة .. حاولت اقنعه نسافر نهاية شهر 10 عالاقل البنوتة بتكون قريب الثلاث شهور
بس هو مايروم يغير وقت اجازته واجازته بتبتدي عقب اجازة العيد مباشرة
والمفروض انه يسافر في الصيف ويا ربعه بس حليله ماسافر لاني كنت في التاسع
والحين معززززم لااازم نسافر ويقووول عادي كل الناس تسافر وعيالهم صغار ولين العيد البنوتة بتوصل الشهرين انتي ليش تحاتين؟!
وللعلم .. تراني مسوية كنترول على بنتي واروم اهتم فيها من كل النواحي الحمدلله بس مادري! يمكن لانه حجمها صغير وايد؟!
مادري بنات شورن علي بليييز :^^:
سيروا استانسوا وترا بنتج وياااج …. ناس يربون برا ويرجعون وعيالهم بعدهم ما كملوا الشهر حتى !
لا اطوفين موعد تطعيمها واايد يعني اذا قبل السفر بفترة بسيطة عندها تطعيم وديها بس بما انها 12 يوم فعادي مب معناه اذا راح عنها التطعيم انكم ما تاخذون موعد ثاني.
وثاني شي ودي أدويتها وياج اذا عندها او شخصتلها الدكتورة بعض الادوية العادية لسنها .مثل الادول وادوية الزجام او بعض المراهم.
واليهال عموما في هالسن دومهم راقدين وما ينشون الا لليوع او مغص البطن ف ودي العربانة وياج.
وعادي وايد حريم يودن عيالهم وهم قم بو كمن يوم
ان شاء الله ما عليكم شر وان شاء الله تستانسون بالسفرة
المشاركة الأصلية كتبت بواسطة إبعد بعيد 
سيروا استانسوا وترا بنتج وياااج …. ناس يربون برا ويرجعون وعيالهم بعدهم ما كملوا الشهر حتى !
مشكورة اختي
اتريا حد يحمسني للسفر
وهل تعرفون حد سافر بياهل عمره شهرين وتبهدل؟!
المشاركة الأصلية كتبت بواسطة أم_أسماء لا اطوفين موعد تطعيمها واايد يعني اذا قبل السفر بفترة بسيطة عندها تطعيم وديها بس بما انها 12 يوم فعادي مب معناه اذا راح عنها التطعيم انكم ما تاخذون موعد ثاني.
وثاني شي ودي أدويتها وياج اذا عندها او شخصتلها الدكتورة بعض الادوية العادية لسنها .مثل الادول وادوية الزجام او بعض المراهم.
واليهال عموما في هالسن دومهم راقدين وما ينشون الا لليوع او مغص البطن ف ودي العربانة وياج.
وعادي وايد حريم يودن عيالهم وهم قم بو كمن يوم
ان شاء الله ما عليكم شر وان شاء الله تستانسون بالسفرة
مشكورة غناتي
اذا الله كتب لي وسافرت اكيد باخذ نصيحتج بعين الاعتبار