بنتي والقطوة .دخيلكم ساعدوني

السلام عليكم ورحمة الله وبركاته
كيف حالكم اخواتي
اتمنى اتكونون بتمام الصحة والعافية
والله اني مستحية ابدي
بقولكم قصة بنتي لصغيرة
الله يسلمكم عمرها 3 سنوات ربي يحفظها يارب
والبنت ظاهرة على امها اتحب لقطاو موت والسبة ان اختي قبل سنتين يابت لنا 4 اقطاو اصغار وقالت خليهم عندج لان عمتها تبا اتفرهم بعيد ويكسرن الخاطر عاد انا خليتهم برع البيت يسرحن ويمرحن بس وحده منهم قامت تتقرب منا وايد عمرها تقريبا كان 4 اشهور وبنتي اتعلقت ابها وايد وتلعب وياها والله اني امصورتنهم فيديو ماراح اتصدقون كيف القطوة اتحب بنتي وبنتي اتموت بالقطوة يركضون ويلعبون وكانت القطوة بصراحه شي عجيب صارت وحدة منا وفينا يا سبحان الله وخواتها طبعا اتشتتوا ما اعرف عنهم شي بس هي ….وارمضان الي طاف راح زوجي وياب للقطو وحدة ثانية شيرازية لونها مثل الكراميل بخطوط سوداء خفيف وبني وبصراحه كانوا ثنائي كوميدي حتى والله ان القطو مالنا قام يزقرها مروووو سبحان الله من يقول مروو يعني يدورها……..الموووهيم بالعشر الاواخر ربي كتب لنا انروح العمرة وسرنا وبنتي طول الوقت – ماما ابي اروح البيت الي فيه مروه -يحليلها كانت مشتاقه لهم ….ويوم ردينا بحمد الله ما حصلنا لقطاو في البيت اعيال ليران قالولنا حصلوهم برع وكلب يروغهم ….والله كسروا خاطري وهاي السالفة من ارمضان الي طاف ويبنا ثلاث اقطاو من بعدهم كلهم امهات اشعور وحدة كانت رمادية رهيبة بس عودة وباردة وجودها مثل عدمها وفيها طبع خايس انها وانتوا الكرامه ما اتروح برع تقضي حاجتها وهفت لي البيت عطيتها لربيعتي لاني صج ما حبيتها ولا بنتي اتقبلتها ….والثانية يابها زوجي بعد ام شعر وبيضة لكن برود الدنيا فيها واشوي خوافة واخرتها طلعت من البيت والثالثة اربيع ريلي اتبرع ابها لبنتي بس قام ايينا قطو عود وطفرها ما ادري راحت وياه وكانت من ذوات الدم البارد
والله ان بنتي من انمر واتحصل اقطاو في الشارع تقعد اتنادي مروووو واتقولي ماما ابغي مرووو…تكسر خاطري
يعني بنات دخيلكم منو تقدر اساعدني واتوفر اذا عندهم اقطاو في البيت – اقطاو لبلاد قصدي – بس نظيفة واصغيرة تكسب فيها اجر والله
واتمنى اني ما غثيتكم ….. بس بنتي وايد غامضتني يبتلها بطة وارنب واتحبهم موت بس اتقولي ما يلعبون وياي مثل مرووووو
ويزاها ربي خير الي ترفع لي الموضوع
ربي يحفظكم يميع ان شاء الله