بنتي وصايحها اللي من غير سبب . والله انها تعبتني . تيملوا فيني

هلا خواتي… اشحالكن؟

بدخل بالموضوع على طول….

بنتي عمرها 5 سنوات و6 شهور تقريبا في الصف الاول.. وتحب مدرستها وااااااايد والحمدلله هالسنة ما تعبتني في المدرسة…يعني اوعيها بدون مشاكل اما السنة الماضية وايد عانيت وياها والله حتى كنت ما اخليها اتروح المدرسة…. المهم

بنتي ما تعرف ترقد الليل… اتنش خااااااااايفة حتى لدرجه اني احرسها حزة ارقادها..واتصيح واتصيح… واتم اتصيح حتى لو اييها انا وهديها واقوللها سكتي وسايسها مافي فايده… واتصيح تبا ابوها…مرات ابوها ما يكون موجود… يا طالع او في الدوااااااااام…
والله العظيم انه مرات يوم اسير بيت هلي واريد ابات عندهم لو ليلة وحدة فهاي الليلة اللي بسيرها انها تلعوزني لعواااااااااز الصايح مشتل حتى مرات اضربها خلاص عصابي تنهار… وغير صوتها المزعج هذا كله عشان تبا ابوها… وفي النهاية كلامها هي اللي يمشي…(( هذا الكلام الساعة 4 الفجر..)) اييها ابوها ويشلها وانا في اليوم الثاني ارجع البيت…

شوه اسويبها انا على هذه الحاله من اكثر من 6 شهور.. ماذيه اخوهاوالله ما تخليه يرقد.. واخوها اصغر عنها… هي بجري…

كيف افهمها واوصللها المعلومة…

وبكون شاكرة لكن…

وينكن يا حلوات

هلا اختي والله يعينج ويصبرج
ممكن البنت شايفة شي مخوفنهاااا
او انتي عصبية وياها علشان جيه تبا ابوها
حسسيها بالأمان طول اليوم و حصنيها بالاذكاااار يوميا ولا تطلعينهاااا المغرب ابدااا
وخص قبل لا ترقد حاولي تحضنينهااا وتضحكين وياها وتحاولين تستدرجينهااا في الشي الي يخوفها
خلي بيتج كله ذكــــر
وطمنينا عليه

حاولي تقرين عليها المعوذات .. وحاولي اترقدينها على صوت القران …..

يمكن في فرق وايد بينها و بين واخوها الصغير وانتي اهملتيها و خليتي اهتمامج كله لاخوها من جي اتسوي جي

مشكورة عزيزتي… يمكن انا حازمة شوي وابوها يدلعها ما يرفضلها طلب… مع اني كم مرة متناقشه وياه في موضوع الدلع والبزا…بس بعده يدلعها…وبعدين انا وايد بالي طويل معاها بس خلاص من يطفح الكيل انفجر واعصب… والله انها لعوزتني..

بحاول اطبق الكلام اللي قلتيه…. مشكوره فديتج

بالعكس ماشي فرق… والبزا والدلع كله حقها والولد مقصرين معاه… او بالمعنى الاصح عاقل فديتج….

هي اكبر منه بسنه و10 شهور