بنتي ومع الاكل ضرابة

[]بنات يليت والله لو اتحصلولي حل ويا هالبنت ربي يحفضها

بنتي عمرها اربع سنوات يعني في الروضة لدرجة انه المدرسه تتشكه منها ماتحب شي اسمه اكل

يعني هي وايد ضعيفة حتى وزنها 11 كيلو لدرجة انه كل ماتشوفنا ناكل اتقول شوفيكم كل ساعة تاكلون

ماتحب شي اسمه اكل
الله يجزيكم من خيرة لو تعطوني حل
وانشالله مابتقصرون وياي

حاولي تتفننين بأكلها يعني تسوين اشكال حلوه تفتح نفسها للأكل
رسوم وشي جي و بتحب تاكل انشالله

للرفع عشان الخوات يفيدونج

اتفنني فـ أكلهآ سويلها اشـكآآآل حلوه بتحب تاكل صدقيني
مثلا اشتريلها صحون رسوم باربي بارني توم و جيري اي رسوم هي تحبه و خاشوقه ملونه وكوب رسوم
يعني حاولي تخلين الاطباق الي هي تاكل فيها ملونه او رسوم او اي شي هي تحبه و بعد
شجعيها و حفزيها خليها تحب الأكل بطريقتج الخاصه
مثلا لو هي تحب الجبس او الكاكاو او تحب اي اكله معينه من هالخربطان حلويات
امنعيها عنهم و لاتعطينها و قوليلها لو اتغديتي و خلصتي صحنج بعطيج حلاوه و لو اتعشيتي بوديج الالعاب
مثلا لو اتريقتي بشتريلج لعبه ، مثلا الشنطه مالت الروضه الي تحطيلها فيه اكل حطيلها اشياء مفيده
يزر + خيار + سويلها سلطه ، سندويج زعتر ، سندويج جبس ، سندويج مرتديلا ، و حطي بسكوت
بس لاتحطيلها حلويات و كاكاو و جبس قوليلها اذا خلصتي الأكل فالروضه باجر بحطلج كاكاو
جي بتتشجع و اهم شي انج يوم تقوليلها بتسوين شي تسوينه يعني مب تقوليلها اذا خلصتي غداج بشتريلج لعبه و
هي مسكينه تخلص غداها و تاكل و عقب ماتشتريلها لا اشتريلها لو اي لعبه بسيطه عسب تثق فيج و تعرف
انج ماتقصين عليها احريميها من اي شي تحبه العاب ، الوان دفاتر اي شي هي تحبه احريميها منه بس
بطريقه حلوه يعني يلا كلي حبيبتي و عقب بخليج تلعبين و تلونين او و عقب بطلعج ..

و هاي صور لبعض الأكلات ..