الصراحه في سؤال سالتني له بنت حمي لما كنت بيت اهل ريلي يوم الجمعه خلتني اتم فاجه عيني
المهم بنت حمي عمرها 5 سنوات وماشاء الله ذكيه وتفهم وتصرفتها تصرفات كبار وحتى لما ترد على الواحد ترد عليه بطريقه بنت كبيره
المهم انا نقلت من عندهم طبعا بس كنت رايحه لهم العصر فواله وكنا بنتعشى عندهم مسوين عزيمه الزبده بنت حمي هاي شافتني احط مناكير
يات عندي قالت عموه حطيلي مناكير قلت لها اول شي قولي لماما عادي احط اذا رضت بحط لج امها سمحت لها وحطيت لها المهم وانا قاعده احط لها هي البنت تسولف وياي وتضحك فجاه سالتني سؤال عموه انتي عمي احمد يبوسج انا قعدت اطالعها قلت لها عيب ميمي لاتقولي جي
قالت عادي عموه ترى انا شفت ماما وبابا كم مره هم يحسبوني نايمه بس اكون واعيه واشوفهم بليل طبعا الياهلله تقريبا شافت كل شي يصير بين امها وابوها انا ويهي تنثر بالصاله قلت لها خلاص خلاص سكتي حبيبي عيب عقب يوم خلصنا عشى كلمت امها قلت لها ترى انتبهي لبنتج لانها جي جي قالت لي مساع ودامها رمست جدامي بترمس جدام اي حد ثاني امها تمت تضحك وقالت البنت فضحتني شسوي لها مخبره خواتي وامي بكل شي وتقول ها شوي مخبره خوالها بعد امها تقول ضربتها جم مره وابوها ضربها جم مره بس بعد تتكلم بس الضرب مب حل كيف تتوقعون تقدر تخليها تنسى وما تتكلم
والمفروض ساعة الي يختلي الريال بحرمته يصكون الباب عدل
لا وامها تضحك بعد
المفروض يأدبونها عسب ما تفتح السيره قدام احد
حرام عليها تضربها بدال ماتنتبه لتصرفاتها هي وريلها.. اخ عليها
المفروووض يكلمونها ويتفاهمون معاها ويقولولها اي شي… حرام عليهم
لا والام بكل وقاحه تضحك 
مفروض يسون لها حجره خاصة حذالهم و ترقد فيه و المساء تبات عندهم لو هي وحيدتهم
اما لو عندها خوات و اخوان خلاص حجر خاصة لهم
عيب والله عيب ترى الطفل يتعلم كل شي
حتى الطفل لو كمل سنة جوفي بس سنة مفروض ما تسوين شي يدامه
! لانه لا اراديا يقلد الحركات
اللي ترقد في حجرة و حمام
اطلع الياهل برى الحجرة عند اهل ريلها و تسوي اللي تبغيه
حبكت يعني وقت رقاد الياهل
ما ادري متى ها الاهالي بيعقولون خربوا عيالهم و هم صغار
اذا لم تستح فاصنع ما شئت
المفروض ما تكون معاهم في الغرفة
لانها تنتبه حتى لو كانت راقده وتحفظ و تقلد
غلط هالشي بيأثر على الياهل في المستقبل
ومن غير أنها تفضح خصوصياتهم عند الناس
لكن مشكلة اللي ساكنه في غرفة وحده بيت أهل ريلها ما باليد حيله وين بترقدهم؟ ماعرف شقولج الصراحة الموضوع حساس والمفروض الأم تاخذ الكلام على محمل الجد وتنحرج مب تضحك وتقول مخبره الكل