حبيت اشوف ارئكن ومن الصح ومن الخطى؟؟
بنت خالي كانت اتحب واحد واهلها كشوف هالشي وصارت العيله الكريمه كله تتكلم عنها وصخت سمعتها بيدها المهم هالريال يحبها واهي تحبه ع قولتها وانه ناوي يتقدم لها اوكي للحين حــلو اجى وتقدم لها واهلي رفضو
المشكله ان هالريال خال (( عبيد)) وكلنا عبيد الله وعيلتنا ممنوع تزوج بناتها للعبيد واهو مب اسود لا اسمر اسمر بس اخوانه بشرتهم سوداء وايد واهي ماشاء الله عليه جمال مافي العيله كلها ماشاء الله
المهم اجى واتقدم لها هالريال وكل عيلتنا عارضت زواجها حتى خالي عارض هالشي بس هي مصره انها تبيه وامها تصير عمتي واقفه معها وموافقه بالزواج وحتى كان يدي الله يرحمه رافض الفكره نهائيا يقول اذ اهي مسويه خطى وتبا تستر عمرها زوجوها بس اذ ما كان شي بينهم لا تزوجوها الله يرحمك يا يدي يعني ما كان حد موافق الا جدتي ام عمتي المهم بعد ما سكرت الباب ع نفسها وقامت ما تاكل ولا تشرب يومين كلموها وفهموها واهي الا راكبه راسها تبيه تقول مافيها شي اذ تزوجت اسود او ابيض يمكن يجيني ابيض اوخلقه هب زينه واهي ماشاء الله جميله والجمال لله وكل شخص يتمناها من العيله وخارجها ويتقدمو لها بس اهي ترفض تقول بعد ما شوهت سمعتها ما حد تقدم لي وبعنس وع العلم اهي صغيره عمرها 20 تقريبا انقولها وراج عمر استني يمكن يتقدمولج احسن عنه ما راضيه البنت..
صح ومع العلم ان بنت خالي ابوي جابها عندنا فبيتنا عشان تغير جو واشتغلت معاي بنفس الدوام وفجاه انا كنت باجازه واهي مداومه اخوي شاف الشخص الي اهي تحبه فسياره جالس واهي كانت راسله لاخوي تبي تطلع متصدعه كان خلاص وقت انتهى الدوام وتقوله تعال بسرعه لا تتاخر واهي اصلا ما مداومه دوام كامل نص الدوام طلعت معه انا خبرتني الهنديه الي تشتغل معنا بالدوام قالت لي انها طلعت نص دوام ولمن اجي اخوي ياخذها كانت برع وما قادره ترجع الدوام بعد ما طلعت نصه وماتبي حد يشوفها من الدوام عشان جيه تقول لاخوي لا تتاخر وبعدها رجعنها بيت اهلها لان مامسولين عنها اذ سوت شي او هربت معه وانا ياغافلين لكم الله وبيقولوا انه انا مساعدتها او شي او انها بتضيعني قال ابوي برجعها لهلها ..
وهالفتره كان متوفي جدي الله يرحمه وبعد العده رجعوا وفتحو الموضوع مره 2 وخالي خلاص وافق قال بزوجها والي ما موافق برايه دام هي تبي تتزوج بسترها وخالي ماسوى لها شي لا ضربها ولا شي بس كلمها عادي لانه ما يعرف ينازع وماعنده شخصيه انا اقول الحق وهذا خالي ع عيني وراسي ..
المهم البنت تزوجت في اقل من شهر بس ولا شخص من العيله راح عرسهم الا امي وابوي واخواتي 2 وجدتي ولا اعمامي ولا خوالي ولا خالتي ولا عماتي ولا شخص بالعيله الا الجيران والاقارب البعاد شوي يعني عرسهم كله صياح وانا ماحضرت عرسهم لان خطيبي مانعني واخوي كان مريض فابوي وامي خلوني انا وياه لانه ما يقدر يطلع من البيت ويبي يسوله الاكل ويكونو وياه المهم حتى بنات خالوالي واعمامي كل حد قال لعياله وزوجته محد يروح عرسهم مسوين اضراب مع انه بيت خاوالي متقاربين ابعض وايد بس ماراحوو …
المهم الحين ريلها ما يخليها تزور اهلها بس بيت ابوها وجدتها والي ماحضر عرسها ماتكلمه ولاترسل له الحين شكله الريال يبي يبعدها عن اهلها لازم يسوي العكس لازم يحبب نفسه فالعيله ويفرض نفسه ويكون ريال له اخلاق ودين ويقولها برايه روحي لهم زوريهم واهي بالدس تروح بيت خالي الي جنب بيت ابوها واهو مايعرف مانعها من انها تروح لهم يعني انت اخذتها غصبا عن اهلها اوكي خليها توصل رحمها ماتقطعها عنهم بس انت مرتاح واهلك موافقين وتزور هلك واهلي لا انا اخااف من شي واحد انها تندم ع زواجها وكل شخص يقول راح تندم بزواجها واهي حملت بشهرين وطيحت قالو هذي حوبتنا فيها استغفر ربكم ادعو لها بالتوفيق والهدايه المهم كل شخص راح يتحمدلله ع السلامه كل العيله وقفت معها يوم طيحت بس منعرف شو بقلبها احنا ما علينا قصور الحمدلله عايشين بس احاتيها والله ومرات احلمها لانها من لحمي ودمي ولو اهي راحت بيت ا شخص عادي يستقبلوها لانها تزوجت بس اهم شي عند العيله انهم ماحضرو عرسهم ما شهدو عليه لان اذ صارت مشكله مار اح يتدخلوون فيها والله يهدي ريلها حتى جدتي قالت ما احضر عرس اعيال اعيالي لانهم ماحضرو عرس بنت بنتي
حتى يوم سلمولي مهري ماحضرت ويوم ولد عمي خطب ما حضرت وحتى بعرسهم مابتحضر مسويه اضراب الجده بس قالت بتحضر عرسي لان ابوي واامي واخواتي حاضرين ولا اهي ماودها لان انا ما خضرت عرسها قالو عني ان ريلي منعني انزين له حق علي وثانيا انا مارحت عشان اخوي ب الله يهدي جدتي حتى صارت ماتكلم اعمامي الي هم عيالها …. زعلانه …
ادعو معي ان الله يهدي ريلها ويهديها وتتوفق بزواجها والي يسويه ريلها صح انه يبعدها عن اهلها لازم يقول اخذتها غصبا عنكم والحين بزوركم لانهم ما جيتو عرسي احس كذا المفروض يسوي اذ يحبها …
المهم اللي الله كاتبه بيصير ان شاء الله ^..^
الله يهدي الجميع
الله يهديها .. وويوفقها ف حياتها ويوفقكم
ويحليلها يدتج مالها ذنب بس ها دوم تفكير الكبار ف السن
يدلعون بزياده ماعليج لاتزعلين انتي
وادعيلهم دوم لاتاخذين بخاطرج 