اشحالج؟
لوسمحتن بنات انا ان شاء الله مدرسه يديده هالسنه وببدا دوام 24/8
مشكلتي انه بنتي بيكون عمرها شهرين و12 يوم تقريبا – مولوده 12/6 الله يحفظها_ ما اعرف كيف ممكن اتصرف بحيث انه تقلل عدد فترات الرضاعه الاصطناعيه قدر الامكان خصوصا ان احسها الحين ما ترقد وايد كثر اول
يعني اذا عطيتها الجلكوز ما اعتقد يمشى الحال لان ماشاء الله عليها لازم ترضع
انا قلت قبل ما اطلع بوعيها وببدلها وبرضعها بس المشكله انه دوامي يبعد ساعه الا ربع من البيت ، يعني وقت عنها بيطول بعد
طبعا هي عندها خدامتها مع ان ما احب احط بنتي عند خدامه بس شو اسوي
ياليت تحطون لي برنامج ممكن يساعدني عشان اقلل من الرضاعه الاصطناعيه وتستفيد بنوتي
ملاحظه: بنوتي اول بنت لي يعني ام يديده وانا شوي صغيره بالسن 24 سنه وها اول دوام لي
أول شي الحمدلله عاسلامتج عزيزتي …ومبروك عليج البنوتة الحلوة ^^
ثاني شي ياختي نحن كلنا نداوم ودرنا بيبيااااتنا في البيت 
وعن الرضاعة …قبل لا تطلعين من البيت بساعة حطيها على صدرج إذا رضعت خير وبركة وإذا ماطاعت في هالحالة مضطرة إنج تسويلها رضعة صناعية …بس دامنج ترضعينها طبيعي ما يأثر إذا عطيتيها كمن رضعة صناعية في اليوم !!
وأول ما تردين من الدوام على طول حطيها عاصدرج وإن شاءالله ما عليها شر فديتها …
والله يكون في عون الأمهات العاملات !!
المشاركة الأصلية كتبت بواسطة الملهمة 
أول شي الحمدلله عاسلامتج عزيزتي …ومبروك عليج البنوتة الحلوة ^^
ثاني شي ياختي نحن كلنا نداوم ودرنا بيبيااااتنا في البيت
وعن الرضاعة …قبل لا تطلعين من البيت بساعة حطيها على صدرج إذا رضعت خير وبركة وإذا ماطاعت في هالحالة مضطرة إنج تسويلها رضعة صناعية …بس دامنج ترضعينها طبيعي ما يأثر إذا عطيتيها كمن رضعة صناعية في اليوم !!
وأول ما تردين من الدوام على طول حطيها عاصدرج وإن شاءالله ما عليها شر فديتها …
والله يكون في عون الأمهات العاملات !!
نفس الكلام
انا أم لأول مرة وعندي ولدي باجر إن شاء الله بيكمل ست شهور (الله يحفظه)
كنت وايد شاله هم الولد لاني اشتغل وساكنه بروحي في شقة وهليه بيتهم بعيد عنا وبيت هل زوجي في منطقة ثانية
طبعا وضعي في الشغل غير لاني اقدر اخذ إجازة … فمددت غير إجازة الوضع شهر ونص (كل الموجود )
فداومت وعمر ولدي ثلاث شهور ونص .. والغلط إللي سويته واللي احب انبه فيه جميع الامهات اللي يشتغلون إني ما عودت ولدي على المرضاعة وكنت كله ارضعه طبيعي!
طبعا الرضاعه الطبيعيه احسن شي بس كان المفروض اشفط له واخليه يتعلم على المرضاعه من قبل
المهم: أول أسبوع داومت فيه كانت مأساه بالنسبه لي .. عدا عن خوفي عليه انه بروحه مع الخدامة واني ابتعدت عنه بعد ما كان كله عند، المشكله الكبيرة انه ما طاع يرضع في اول يوم لانه ما يعرف وتم يصيح ولا طاع يرقد لانه متعود على ريحتي..
وشوي شوي الحمد لله تأقلم على الوضع وانا بعدني اتقطع يوم اتصل واسمعه يصيح عندها
بس اول خمس شهور تميت اضغط على عمري واشفط له كل يوم واحطه في الثلاثجه والخدامة تسخنه له .. وبعدها خف الحليب وما قدرت اشفط له ودخلت عليه حليب صناعي والحمد لله تقبله …
بس وانا في الدوام يشرب تقريبا رضعتين ومن ارجع وانا بعباتي اخذه من الخدامه وانا الاعبه وارضعه وطول الوقت يتم عندي.. حتى في الويك اند يتم بس رضاعه طبيعيه!
والحين اواجه مشكله ثانية وهي كيف أدخل عليه الاكل!!!
هذا جدوليه لين اليوم لو انه متعب شوي بس كله يهون عشان خاطر ولدي والحمد لله أهم شي صحته زينه وقدرت اخليه يكمل ست شهور بنسبة 90% حليب طبيعي
والله يعين الجميع…..
نجة الفجر
مينونه بوظبي
مشكورات على الردود
انا مره جربت اشفط لبنتي من صدري بس وااايد عورني حسيت صدري بيتقطع وبصراحه خفت يسبب لي مرض وودرتها
امي بعد قالت لي ما اسوي هالطريقة لان تخاف علي من عيون الخدامات لمن يشوفون الحليب بالثلاجه
والحين اجرب استخدم لها الحليب الصناعي عشان تتعود شوي
ما اعرف كيف اتصرف مع اني بخليها عند امي هالشيء اللي مطمنني بس عن الصناعي ما بي اعطيها كله صنااعي