بهارات الشوربة

خواتي أريد أعرف شو البهارات اللي تحطوها في الشوربه تكون جاهزه ولا تحطون البهارات عاديه عندكم في البيت كل ما أسوي شورية يطلع طعمها ما حلو

ان شاء الله البنات يفيدونج

أريد أشوف ردود خواتي

السلام عليكم
رمضان كريم
اختي مافيه بهار معين لشوربه
لان كل شوربه لها نكهه مختلفه
هل تقصدين شوربه معينه

انا عندي قاعدة ان الشوربة اذا حطيتي فيها بهارات تخترب بس اذا حابه تحطين حطي فلفل اسود
مثلا بعطيج طريقة شوربة كريمة الدجاج والمشروم
حطي 2 ظرف شوربة كنور كريمة الدجاج مع صدور دجاج مفورة ومقطعه شرايح ومشروم مقطع صغار والماي ، حطيها على النار لين تغلي واخر شي ضيفي 2 ملعقه ليمون و رشة بقدونس وطفي النار.

مثلا تبين تسوين شوربة خضار، حمري البصل لين يذبل بس ما يحمر وبعدين حطي مكعبات الخضار المقطعه صغار (جزر ، بطاط، فاصوليا خضرا ) وبعدين حطي الطماط المفروم تقريبا حبتين وخلي المكونات تذبل شوي بعدين حطي الماء المغلي و 2 كيس شوربة ماجي شعيرية واخر شي حطي رشة بقدونس وليمون

فيه أنا شايفه عند حرمه تبيعه ريحته نفس ريحة الماجي بس ماخذيت منه وما شفتها مره ثانيه

حطي فيها معكب ماجي أو بودرة كنور اللي اسمها "الكل في واحد" أو ظرف شوربة بودرة (الكيس اللي يسوي كوب شوربة بمجرد تحطين عليه ماي حار) ..

وأسهل طريقة للشوربة كالتالي:
تشوحين شوية بصل وثوم في زيت زيتون او زيت ذرة
تحطين الكمية اللي تبينها من الخضار والنوعية اللي تبينها (مقطعه) مثل الجزر الطماطم الفليفلة الكوسا البطاطس ..إلخ اللي تحبينه
تخلينهم شوي يتشوحون مع البصل والثوم + ضيفي شوية ملح وفلفل أسود بس
ضيفي عليهم ماي مغلي الكمية اللي تبغينها
خليهم لين يستوون
حطي الخضرة والماي مالهم في الخلاط
رجعيها مرة ثانية للقدر وضيفي عليها مكعب ماجي أو ظرف الشوربة

طريقة سهلة وتطلع لج شورب صحية خفيفة ولذيذة