مرحبا يا احلى سيدات اليوم بحط تقريري المصور عن بورصه في تركيا وفي واااايد صور وبحاول اخبركم كل شي والايجابيات والسلبيات وشو اللي حلو ووين رحنا طبعا اول مره انروح انا وزوجي العزيز يعني كل شي كان يديد وتجربه حلوه وكانوا العيال مبسوطين وااايد وارجو انه محد يرد لين اخلص عشان اتشوفون كل شي بدون فواصل وردوود واتشرفوني بردودكم العسل بعد ما اخلص بسم الله
حجزنا من تاريخ 20-8-2016 لين 26-8-2016 على طيران الامارات مطار دبي الدولي الساعه 2:40 اول ما وصلنا اخذنا وجبه بسيطه بس مب لذيذه ما انصحكم بها الكوفي شوب
جاهزين للاقلاع 
وصلنا مطار اتاتورك الساعه 5:55
كنا حاجزين سياره من موقع economycarrentals.com ما انصح فيه لانه طلبنا سياره واتفاجانا انه يابولنا وحده غير بدون ما يخبرونا انه ما عندهم حتي ما كفت شنطنا ومشينا الحال 
وانطلقنا الى ميناء ينيكابي تشترون تذكره واتركنون في الباركين واول ما توصل الباخره ادشون وتطلعون فوق كل حد عنده كرسي خاص ومكتوب رقمه على البطاقه وكانت العباره حلوه ووفرت علينا الطريق لانه بورصه تبعد 230 كيلو وها بعض الصور شربنا شاي من كانتين جنب العباره لين ما توصل
الفندق حجزنا ibis bursa بس للاسف طلع مب شي ثلاث نجوم وزحمه شوي بس احسن شي انه واااااايد نظيف وينظفون ليل نهار الغرفه دايما مرتبه وها كان مشجع وايد وللي يبا يعرف كلفتنا الغرفتين وحده سرير كبير والثانيه سيريرين صغار حوالي 730 يورو مع الريوق 6 ليالي وهاي بعض الصور للفندق لما وصلنا في الليل ومناظر من شرفه الغرفه مالتنا
يتبع
اليوم الاول نزلنا البوفيه نتريق 
توجهنا الى القريه التاريخيه اسمها cumalikizik وااايد حلوه وها كم من منظر لها اول شي الطريق
اول ما وصلنا كان في سوق شعبي فيه كل شي وهاي صور
يتبع
هاي القريه فيها الماي طبيعا يمشي في الطريق
والبيوت قديمه وبسيطه
يتبع
من كثر ما لفينا يعنا فدخلنا بيت اهله مسوينه مطعم والحريم يطبخن يسون خبز في الفرن الحجري والمشاريب وكل شي وبما انه بعده الصبح فحبينا ناكل خبز الصاج ونشرب تركش كوفي وهاي بعض صور للبيت واليلسه والاكل
المدخل
المدخل
وهاي وين يلسنا
وها نافوره في نص البيت
وااااو
ما زلنا في القريه التاريخيه وبعد ما خلصنا الاكل كملنا التجوال واستوقفنا ها الكلب الكيووووووووووووووت 
وكملنا
وكملنا
وهاي الحلوه اتبيع عصير فريش اللي تبونه وبمبلغ بسيط ولاحظنا انه الفوااكه واااااااااااايد رخيصه وطازجه والله على الجام يجنن
