بوفيه عشاء:)

السلام عليكم

طلباتي زياده هاليومين بس تحلوني ههههه

اقولكم بكره عندي عزيمه بس كل واحد بييب معاه طبق وانه لازم اسوي بعد طبعا وهي عزيمة عشاء

شنو تقترحون اسوي مابي سويت ولا سلطه اي وجبه رئيسيه

وحابه اسوي لازانيا بس ماعرف ..

انتظر مقترحاتكم..

تسلمون خواتي

يلا يا خاتي الباقيات ابي ايكم بعد عندكم لي باجر الصبح تره ماباعطيكم من اللي باسوييه

بقولج اللازانيا على طريقتي .. دامج ناويه تسوينها .. بس لا عندي صور ولا شيات .. ما انه كانت غدانا من يومين ..

المقادير ..

معكرونه لازانيا / لحم او دياي مفروم / كريمه مخفوقه انا استخدم المراعي / بصل / ثوم / بهارات مشكله ( انا عندي من بهارات طموحة بوظبي عضوة عندنا فالمنتدى واعتمدها فكل طبخاتي ) / مكعبين ماجي / طماط السعوديه / جبن مبشور انا استخدم المراعي / فاصوليا بصلصه حمرا / 1 قشطه / حليب العين 1 ليتر / زبده / جبن كرافت

الطريقه ..

اولا: اللازانيا

احط اللازانيا فالماي المغلي مع ملعقة زيت واخليها تقيبا 7 دقايق واحطها على صوب مع شوية ماي عسب ما تلتصق ..

ثانيا : الحشوة
احط شوية زيت مع الدياي المفروم واخليه على نار هادية واحمسه شوي شوي لين تطلع العصار ويستوي نص استوا وعقب احط عليه البصل والثوم ومكعبين ماجي وبهالوقت اكون مجهزة صلصة البشاميل فأحط منها شوي عالحشوه عسب تاخذ من الطعم وهالخطوة سر النكه اللذيذه فاللازانيا .. وارد احط عليها فاصوليا بصله حمرا واخليها مال 5 دقايق وتكون جاهزة ..

خلطة البشاميل :

تقدرين تستخدمين الجاهزة بس انا احضرها شخصيا ..

احط 1 ليتر حليب العين عالنار لين يبدا يغلي .. احط كوب بلاستيك حجم عادي طحين شوي شوي عسب ما يتكتيل .. احط عليه القشطه وخاشوقة جبن كرافت وشوية زبده لين تصير غليضه شوي ..

والحين تجهزين البايركس وتحطين طبقه من صلصة الباشميل وصف من اللازانيا وعليها الحشوه بالترتيب ومرة ثانيه شوية صلصه بشاميل عشان تتماسك وردي عليها باقي اللازانيا وزيدي الطبقات على كيفج وبالأخير صبي كل صلصة الباشميل عالطبقه العلويه وبتكون كبيرة شوي احلى وترشين الجبن المبشور عليها .. وتشغلين الفرن من تحت بس .. لين يذوب الجبن ويحمر .. وتابعيه لنه بيجهز بسرعه

اتمنى اكون فدتج .. وبالتوفيق خيتووو

—استغفرالله—
—استغفرالله استغفرالله—
—استغفرالله استغفرالله استغفرالله—
—استغفرالله استغفرالله استغفرالله استغفرالله—
—استغفرالله استغفرالله استغفرالله استغفرالله استغفرالله —
—استغفرالله استغفرالله استغفرالله استغفرالله استغفرالله استغفرالله—
—استغفرالله استغفرالله استغفرالله استغفرالله استغفرالله —
—استغفرالله استغفرالله استغفرالله استغفرالله—
—استغفرالله استغفرالله استغفرالله—
—استغفرالله استغفرالله—
—استغفرالله—