بما انه كلنا مسافرين هالسنه ان شاء الله… وفيه بعض الاخوات بيروحون تايلند وبما فيهم انا حبيت اراويكم صور بوكت لانها رووووووووووعه والصور بتعبر لكم عن مدى روعتها..
طبع المنتجع اللي كنا فيه …فيه اماكن احلى من اللي انا صورتها ولكن هاذيج الايام ماهتميت وايد لاني ما كنت حاطه في بالي اني بشارك بمنتدى وبعرض الصور..
نحن حجزنا في منتجع لاجونا بيتش وهاي صور المنتجع وكان سعر الغرفه تقريبا 700 درهم والمنتجع فيه اكثرمن فندق ونحن سكنا في الفندق اللي على اسم المنتجع يعني لاجونا
هذا مطعم وسعره اشوي غالي بس بصرااحه السي فوود روعه والمكان نظيف ويسوا انه الواحد يدفع عليه
وهذا فندق ثاني بس مب مذكره اسمه
واهني لما طلعنا رحله بسيطه في المنتجع ورحنا السوق اللي فيه لكن للاسف ماصورت السوق وكان تقريبا كله ماركات وهذا ممر مائي يوصلنا لبقية الفنادق والسوق
هذا الشيراتون
تااااابع
الله يعطيج العافية…
تسلمييين
هذا بعد فندق ثاني مب مذكره اسمه
للي يحبون الرحلات البحرية .. خلينا الفندق يرتبنا هالشي ورحنا ساعتين ورجعنا
وهاي بعض الصور
وفقنا اهنيه وهذا عباره عن سوق في وسط البحر يبييع اشياء اتخص اهل تايلند اكثر واهمها المشغولات اليدوية
وهالشبيبه كانوا معانا هم مستانسين على الشمس ونحن ميتيين منها
تاااابع بعدني ماخلصت
وهاي قريه مسلمه في وسط البحر بس بصراااحه مادري اذا عايشين والا لا .. اخاف تسونامي مر عليهم
وختمناها بيلسه على البحر ..طبعا اللي وينا كلهم استانسوا لانه اسبحوا والعبوا في البحر الا نحن
ورحنا بعد الفنتازيا بس للاسف ماصورته
وفي النهايه ادريبكم بتذبحوني لانه هالصور قبل اتسونامي والحين ماعرف شي عنها .. بس لما سألنا قالولنا كل شي رجع مكانه
والسموحه 
^___________^
المشاركة الأصلية كتبت بواسطة ملاك_الحب 
الله يعطيج العافية…
المشاركة الأصلية كتبت بواسطة جوجيتّ تسلمييين
المشاركة الأصلية كتبت بواسطة fatoome ^___________^
الله يسلمكم فديتكم ومروركم الاروع