بيت اهل الزوج

.

.

اأحس اني مول مب مرتاحه ..
اول شي نبدأ ف عمتي اللي مرة سمنه على عسل و مرات تنقلب
عمتي وايد اتعق علي نغزات ..
مرت اخوج ما تطبخ و اتخلي امج تطبخ ( كلام تأليف من عندها ) يعني تقصدني ..
وانا مابي مطبخ مشترك
و حريم مال اللحينه عيارات
شو اسوي تعبت وانا اكرف عمري عسب أراضيها
تقول خاطري ف باستا و أسوي لها
ايوون ضيوف عندها اتقول سوي دياي محشي
ايوون ضيوف ادخل و اساعدها و أودر عيالي عسب خاطرها
و الضيوف منو بناتها اللي ولا وحدة اتفكر اتساعد
تدخل اتقول تبيني اساعدج
مابيج اتساعديني فديتج بس جي حسسيني اني ما اشتغل عندج
كل هذا عسب أكسب رضاها ..
مرات تقولي يا فلانة سوي شوربة و بناتها قاعدات حش و مش اقول ما عليه و بنتي حزتهة كانت ميهودة
و مرات تييلس تتمصخر على ولد اختي اتقول حركاته غبية
و اختج اللحينه وين ساكنه
و اتلمح ان فلانه ادلع عمتها وتشتري هدايا و رزينه و حرمت بيت

واتقول مرت ولدي ما كانت اطلع ولدها تأكله داخل تبيني احبس بنتي اخليها شرات القطو

و مرت ولدي كانت تطبخ و ما شاء الله تعرف تطبخ و مرت ولدي كانت بروحها تغسل مراضعها تغسل فالحمام

يع احط بروش المراضع فالحمام شو هالارف
هذا كله بسبت طيبتي ساكته و متحمله

ثاني شخص بنتها هي نفسها مرت اخوي ..
يوم اتيي اتسير عند يدتها و تتكلم عني .. واي شي يصير ف بيت ابوي اتخبر امها .. اتخيلو ..

تلفوني خربان .. متصله ف امها اتقول حميتي حامل و لازم اتعق البيبي .. و اعرف الخبر من امها .. وجع اي شي يصير اتخبر امها .. تعالي اللحينة قلبي يدق يدق من الخوف احاتيها

و اي شي اخوي يسوي فيها اتخبر امها .. اخوي دوام اخوي اجازة اخوي الخ

و اي تسمعه cnn
واي تجوفه اتخبر بعد
وامها نفس الشي اتحب الحش عن فلان و علان
و فوق هذا ما تحترم ابوي و تتكلم عنه جدام اهلها

وثالث شخص
حميتي
تقعد تنصحني اتقول لا تلبسين بنتج جي و لا تلبسين ولدج جي و مرة بنتي لابسة برتقالي لبستها جوتي وردي فالبيت والله فالبيت تمشي فالحوي .. اتقول لبنتي بصوت واضح قولي حق بابا يشتريلج جوتي غير

و تقول انتو ما تعرفون الكشخه بنتج طالعه علي
انزين شو اسوي اذا انا احب البساطه يعني لازم احط روج و اصير كشيخه يالدبة انتي اضعفي بالاول عقب اتفلسفي

واطرش ولدها أذاكر له و انا مول مب فاضية

و هذا كله بسبت طيبتي ..

و اخر شي ريلي قهرني … هاك اليوم اخته قاعدة تغسل ملابس و ملابس عيالها متكود عليها اونة شو يقولي ي فلانة ساعديها .. سكت عنه و لين اللحين مقهورة اللحينة يوم انا اطبخ ل 15 شخص محد يساعدني اقعد اطبخ فالحر …
واخر مرة يقولي انتي طيبة زيادة ع اللزوم لازم يكون بج شخصية قوية فهالبيت

شو تبيني اسويه ارد عليهم بعشر

ياربيه كرهت عيشتي الريل اتعدل و بجو اهل الريل
واللي قاهرتني اكثر عمتي تهزبني و اتلمح جدام ريلي

لا تكلفين عمرج فوق طاقتج

ولا تكثرين القرقرة و الزعل و خلج وسطية في التعامل
يبغونج تطبخين قولي بطريقة حلوة يالله يا حلوات نشوا ساعدوني في المطبخ
محد بيساعدج لا تدخلين مب مجبورة

مرحبا اختي..
الله يعينج و يعطيج اجر معروفج..

ترا سوالف العمات و الحميات ما تخلص..
ولا تقدرين تغيرينهم و تغيرين شخصياتهم..
و ارضاء الناس غاية لا تدرك..

اذا بتعاملينهم ..بالطيبة ..تر من طيب اصلج..
بس نصيحة لا تعودينهم ع الشي..لنه اذا قطعتي المعروووف.. عادي بتحصلين كلام..

ما غير انتي تتغيرين.. ومش فجأة عشان ما يتغيرون عليج..
يعني قولي مشغووله، بنتي مريضة ، ريولي تعورني,.,
لا تخلينهم يستغلووونج و يستغلون طيبتج..

حبيبتي الله يعينج ،،
انا رايي من راي الاخت كوبون
عادي مافيها شي لو كلمتي عمتج بطريقه حلوه وفهمتيها
انج تبين حد يساعدج !

الله يكون فعونج
انتي مب مجبورة تطبخين ل 15واحد خير يعني
اطلبي منهم حد يساعدج فالطبخ
والنغزات والكلام دخلي من إذن وطلعيه من الأذن الثانية
يعني طنش تعش

لا تكلفين على عمرج قوليلها عمو انا بطبخ هالشي بس صنف واحد وخله كل بنت تيب من بيتها
يون وياكلون ويمشون ايدهم على الطوفا
ها موب بيتج بيت امه
خله طبابيخهم يطبخون
خلها تلعلع لين باجر مايخصج
اطبخي حق عمرج وعيالج

الغلط منج حبيبتي

منو قالج تكونين طيبة زيادة عن اللزوم

شي ناس تقدر
وشي ناس تستغل

انتي سمحتي لهم انهم يستغلون هالشي

لدرجة كبيرررة

الحين لازم تتصرفين،، اثقلي وغيبي شوي
انشغلي في عمرج وعيالج

ان طلبوا منج مساعدة
قولي لهم

والله ودي بس عندي كذا كذا ما قدر

مع ابتسامة وخلاص

حاولي تخلين ريلج في سيدج

الافضل هو اللي يرد على اهله مب انتي

هو ان رد عليهم مب غلط بيكون ولدهم وبس
بس لو انتي رديتي عليهم بتستوي مشاكل وبتيبين كلام حق عمرج

بالذات ان حميتج مرت اخوج

لاااااااازم تتعلمين كيف تكونين لبقة ودبلوماسية
تردين على كيفج بس بذوق وبدون زعل