بيني وبين الطلاق شعره . شورو علي بليز

السلام عليكم….
مشكلتي وايد صعبه واحس الواحد يضيع فيها…
انا من عرست ماكملت السنه ولين الحين مايلست عند ريلي الا 3 شهور تقريبا…
المشكله ان ريلي اشترط على اهلي اني ماداوم ولا اسوق واهلي وافقو بدون شوري وانا يوم عرفت عقب الملجه استسلمت…يوم عرست ريلي مايداوم لانه يدرس وكلاساته كلها الصبح يعني مايقدر يداوم وماعنده اي مصدر دخل وكنت انا اشل من اهلي واساعده ويوم قلت له خلني انا اداوم واساعدك الين ما انت تتخرج ماطاع… المهم الشي الثاني انه جدام الناس اونه انسان ملتزم ومتدين وهو استغفر الله حتى الصلاه مب في وقتها وحتى صلاة العيد ماصلاها ويسمع اغاني ويروح السينما ويقولي لا تخبرين حد……وفوق هذا كله من عرسنا ماطلعت وياه الا مرتين ورحنا فيهن المطاعم وممنوع اقابل اخوانه اللي فالبيت ويباني قبل لا ادش غرفتنا ادق عليه الباب الين يقولي ادخلي واذا مادقيت يعصب ويشاتم ويقولي انقلعي برع…. واذا ناقصتني اغراض يا اطرش اهلي او اقعد بدون اغراض… المهم في يوم دخل علي فجاه وقال لي انه مش مرتاح وياي ويبانا نفترق قلت له خل نعطي روحنا فرصه لان اللي اغرفه اول سنه مشاكل قال اوكي وعقبها ب 3 ايام قالي انه يحس انه مضغوط ومش مرتاح قلت له خلاص ان شاء الله انا بروح بيت اهلي بس اباك تعرف اني مستحيل ارجع لك قال ادري وروحي عادي… المهم رحت بيت اهلي وكملت 3 شهور ولا سأل عني ولا اي شي وعقب طرش لي مسج قال ان موعد طلاقنا قرب… وقطعني لمدة شهرين وفجأه كلم اخوي انه يباني ويبا ايي يشلني ويوم عرفت تميت اصيح وقلت لاهلي لو شو مااستوى مستحيل ارجع له… الحين اهلي قالو لي فكري فالموضوع وردي علينا عشان نخبره…..

بنات محتايه شور الله وشوركن .. كل يوم اصلي الاستخاره وربي يعين

هلا اختي
الله ييسر امورج

الظاهر والله اعلم انه كان يباج انتي تقوليله اباك ومستحيل اتخلى عنك بس شافج جديه في الموضوع
والحين رد بكلامه ..
رايي انج تردين له بس بشروط طبعا..ويوافق عليهااااا

والله يوفقج وييسر امورج يارب

احس انه بيرفض الشروط لانه مايبا وحده اداوم ولا تدرس ولا تسوق … وفوق هذا كله هو طالب الطلاق وقال انه مايباني مرتين وماكان معصب ولا اني متمشكله وياه..

الله يهدي النفوس ويصلح حالكم..

آمين فديتج …

فْْـًدٍْيًـتٍْْـجََ عورتي قَلّبیِـ♥ـۓ أقولج لاترجعين له أبدا لو تنطبق السماء عَلَــۓ الأرض