صارلي فتره امسجله في المنتدى.. فتره قريبه مب ابعيده…
بس خلال مطالعتي للمواضيع المطروحه.. سمعت عن وايد مشاكل تطرحها خواتي الأعضاء اللي يبحثون عن نصيحه أو عن مساعده..
في مواضيع والله اتعور القلب.. فأنا أيلس أشرحها لريلي لأنه وايد اتهمني وجهة نظره وتحليله للأمور… بس من كثر ما قلتله عن المشاكل، ريلي عطاني نصيحه وايد حلوه.. وأتمنى من الزوجات تطبيقها.. ومن نصيحته يتني فكره طرح هذا الموضوع..
نصيحته كانت..
كل انسان مع الوقت يتأثر بالمشاكل في مجتمعه.. وممكن يربط نفسه في مواقف بشكل ارادي.. واتكون هاذي المواقف متأثره بالمشاكل المطروحه فالمنتدى..
أتمنى منج انج تفصلين حياتنا عن المشاكل هاذي اللي ممكن اتأثر على علاقتنا..
…………………………………….
بصراحه فالبداية استعيبت من كلامه.. قلتله.. ليش انته اتشوف شخصيتي ضعيفه؟
رد عليه وقالي.. الإنسان عباره عن تجمع خبراته الشخصيه وخبرات الناس اللي عرفهم.. يعني هذا من طبع الانسان أنه يكوّن فكر نتاج خبرات ثانيه… وهذا شي ما له دخل بالشخصيه…
طبعا أنا عيبني تفكيره.. وحبيت أنقللكم إياه عن طريق موضوع قابل للنقاش.. عشان انفيد ونستفيد..
…………………………………..
يا ريت لو نتشارك في طرح مواقف صارتلنا من التأثر بمواضيع المنتدى.. إيجابيه كانت أم سلبيه…
حتى ان شاء الله تعم الفايده على الجميع..
………………………………….
تحياتي
Ro’s
الانسان مثل مايأثر أكيد يتأثر باللي حواليه لذلك كنا دايما ناخذ في علم النفس عباره ما انساها ابدا ,, كوني كالزجاجه لا كالاسفنجه !! بمعني انج تكونين شفافه بحيث تستوعبين وتشوفين كل شي مع وجود الحاجر الزجاجي اللي يحميج ويمنع تأثرج باللي تعالجينه او تتعاملين وياه بعكس الاسفنجه اللي تمتص وبالتالي تثقل وتتأثر بمحيطها حتي لو كان محيطها هذا ماء !!
لذلك كثير من المشاكل اللي نشوفها تكون نتيجه كلمه او مشكله أو حتى نصيحه قرتها وحده من خواتنا وراحت طبقتها على نفسها وزوجها متناسيه ان الاشخاص والظروف مختلفه من الاساس واللي غالبا ما تأتي بمردود عكسي ..
كل الاحترام
المشاركة الأصلية كتبت بواسطة حروف ومعاني 
الانسان مثل مايأثر أكيد يتأثر باللي حواليه لذلك كنا دايما ناخذ في علم النفس عباره ما انساها ابدا ,, كوني كالزجاجه لا كالاسفنجه !! بمعني انج تكونين شفافه بحيث تستوعبين وتشوفين كل شي مع وجود الحاجر الزجاجي اللي يحميج ويمنع تأثرج باللي تعالجينه او تتعاملين وياه بعكس الاسفنجه اللي تمتص وبالتالي تثقل وتتأثر بمحيطها حتي لو كان محيطها هذا ماء !!
لذلك كثير من المشاكل اللي نشوفها تكون نتيجه كلمه او مشكله أو حتى نصيحه قرتها وحده من خواتنا وراحت طبقتها على نفسها وزوجها متناسيه ان الاشخاص والظروف مختلفه من الاساس واللي غالبا ما تأتي بمردود عكسي ..
كل الاحترام
صدقتي والله
انا مالجه والحمدلله وايد مستانسه مع ريلي وان شاء الله الشهر الياي عرسناا
وانا اقوله عن المواضيع والمشاكل الي اقراها
ف البدايه كان يسمعني ويقول رايه
بس عقب قالي لا تقرين المواضيع ومشاكل الناس اخاف تتاثرين فيهم
قلتله مستحيل اتاثر
لاني اعرفك عدل
فقررت ما اقرا المشاكل بس اقرا المواضيع المفيده الي بتفيدني ف حياتي
والسموحه منكم
صح كلااااامج …
بس صدقيني بعض البنات ماعندهم غير المنتدى شو يسوون ،، غصبن عنهن ،، يبن يفضفضن …
الله يهدي الجميييع
الله يسعد كل حرمه مع ريلهــــا … والله يبعد عنكم وعنا المشاااكل …. آآآآآمين ..
يعني قامت تيني شكووك على الرغم من انه ماعنده هالخرابيط والعلوم
ومن يومها بديت ابتعدت عن العناوين اللي فيها مشاكل زوجيه
والحمد لله وايد مرتاحه