عندي سؤال وبغيت اجابه اذا ما عليك اماره
انا وزني 85 وخايفه احمل ( اول حمل لي)
ف منو منكم حملت بنفس وزني وكم الحامل تزيد؟
وبغيت اعرف بياثر الوزن علي و على الجنين ؟
الله يخليكم فيدوني لانه صاري 7 شهور من عرست وريلي خاطره في بيبي بس خايف
انه الوزن ياثر علي وعلى الجنين..
قبل لا احمل كان وزني 88
والدكاترة قايلين لي اني عندي ارتفاع في السكر + تكيس مبايض وصعب اني احمل
والله شاء اني احمل
والحمد لله الحمد لله الحمد لله للحين ما احس بأي شي مب طبيعي
غير ان طلع عندي سكر الحمل .. واتبع ريجيم وامشي كل يوم من نص ساعة لساعتين على حسب
فأقولج اختي احملي وخليج كووول ومتفائلة .. واذا لااا قدر الله لاا قدر الله طلع عندج سكر حمل .. مجرد انج تتبعين ريجيم ورياضة ما بيأثر على الجنين ان شالله .. مع العلم ان ياني سكر الحمل مب من الحمل نفسه .. بس لان مثل ما ذكرت ان قبل لااحمل كان عندي ارتفاع في السكر ,, وعلى فكرة .. الريجيم اللي يعطونه وااااااااااااااااايد مريح ومفيد
يعني انتي مب اول ولا اخر وحدة وزنها زايد
ي
توكلي على الله اختي وعسى ان تكرهوا شيئا وهو خير لكم
وبعدين حسب طبيعة جسم الوحده .. قي بنات يمتنون اكثر وقت الحمل وبعد الحمل
ولا ينقص وزنهم
وفي بنات يضعفووووون ويختفون مرررررررررره ما تقولين هاي اللي ماشاءالله عليها كانت مليانه
حسب طبيعة جسمج ^^
حبيبتي الوزن مايخصه بالجنين اللي الله كاتبنلج ياه بيستوي حتى لو كنتي ضعيفه
توكلي على الله واحملي وفرحي بعلج
حاولي الحين تسوين ريجيم صحي …
ورياضه وبيساعدج على الحمل …
انا قبل ما احمل اكون وسط بس اخر الشهور ازيد بشكل فضيع علشان جذي لازم اتبع نظام غذائي خلاص ما اريد امتن …
بس من اربي الحمدلله انه الوزن كله يطيح … ويقولون اللي وزنهم زايد ما يزيد وزنهم وااايد وها الشي لاحظته حتى كروشة الحمل تكون صغيره وما تبين