تأخر الدورة ؟؟؟

السلام عليكم ورحمة الله وبركاته

اشحااااااااااالكن يا خوااااااااتي …

الله يسلمكم و ايعافيكم انا دورتي كان موعدها بتاريخ 18 من هالشهر و الحمدلله هيه منتظمه كل 30 يوم ولكن لحد يومكن هذا ما هلت ولا استمطرت .. حتى ما حس ابويع شديد او حتى متوسط يدل على انه الدورة بتنزل او ابشي يدل على انه فيه حمل بس اللهم احس ابدوخه بسيطه اتيني على فترات متقطعه و أحس انه صدري متنفخ بس مب متحجر و بأنه حلماتي غامجه.و أني استويت كسوله شويه و رقاادي ثقل خخخخخ.
و المهم أني سويت التحليل الديجتال فالبيت بتاريخ 16 و كان سالب فقلت مادام انه الديجتال قال سالب ما اعتقد انه فيه حمل و الحمدلله انا ما اشتكي من اكياس او تكيسات و لله الحمد ..
فالحين سؤالي هل فيه وحده منكن مرت ابنفس حالتي و عقب طلعت حامل …؟؟

و الحين ابا اعيد التحليل بس ما عرف متى …؟؟؟ فهل تنصحوني اني اتريا لين اكمل 10 ايام و عقب اسويه …؟؟؟

أول مرة تتأخر عليه الدورة جيه …فماعرف و الله شسالفه …!!!

ربي هب لي من لدنك ذرية صالحه إنك سميع الدعاء….

وعليكم السلام

الله يرزقج ويرزقني

اختي امممم روحي سوي فحص دم اظمن لج من فحص الديجتال ويطلع النتيجه ..

اكيد مافيج صبر لين 10 ايام هههه يالله خذي قشج وروحي اقرب عياده وسوي فحص الحمل دم ونشااء الله تكونين حاامل وانا ويااج ونكون نفس الشهر لول هههه

وسموحه منج

الغاليه هي متأخره سبوع الحينه صح؟؟؟

سوي تحليل دم اظمن

و ان شاء الله يا رب تطلعين حامل و تبشرينا (^_^)

ماعندي علم

اختي سنه
بس روحي لدكتوره سوي فحص عشان بعد تتاكدين

الله يرزقج من حيث لا تحتسبي

فكي عمرج و اقطعي الشك باليقين … و روحي تسوي تحليل دم …و ان شاء الله خير

الله يرزقج بالذريه ان شاء الله ويعوضج خير
سيري سوي تحليل دم احسن
وان شاء الله خير