اخباركم ان شالله طيبااااات
حبايبي انا قبل اسبوعين كتبت موضوع بخصوص جنيني ان دكتورتي قالتلي ان حملي متأخر ومب ياي على الدوره لان دورتي متخربطه وانا ارضع بنتي عمرها سنه وشهر ربي يحفظها ..
انا اكتشفت اني حامل بتاريخ 7/3/2017 وكان الخط واااايد خفيف يدوووب يبين وما ظهرلي على طول ظهر عقب نص ساعه تقريبا..
المهم انا راجعت من اسبوعين وقالولي اني حامل فالاسبوع الثالث وهذا كان بتايخ 27/3/2017
ودكتوره ثانيه قالتلي اني حامل فالاسبوع الرابع على حسب السونار والمفروض لو حملي متاخر ما ااكون في الرابع المفروض الاسبوع السابع ويكون فيه نبض واونه حملي مب طبيعي وعطتني موعد امس بتاريخ 8/4 بس مارحت
ورحت اليوم للدكتوره الاولى اللي اول ما عرفت اني حامل رحت عندها وقالتلي اني في الاسبوع الخامس والمفروض اكون في السابع والبيبي صغير وحجمه كابر شوي
وقالتلي بعد يمكن حملي مب طبيعي وسالتني تنزلي افرازات بنيه او دم قلت لها لاااا
فقالت اذا نزلت يعني الجنين بطيح
وعطتني موعد السبوع الياي واذا بعده مافيه نبض قالتلي بتعطيني حبوب تنزله
اناااا وااااااااااااااااااااايد احاتي
حد فيكم مر بنفس تجربتي لاني والله تعبت نفسيا من التفكير
شو تنصحوني اروح لها السبوع الياي والا اترايا نهاية الشهر ؟!!
واذا كان فعلا على كلامها يمكن يكون وقف نموه بروحه بيطيح ماله داعي تاخذين شي ينزله …
انا مرتين طيحت بعد ما وقف في الاسبوع السادس ووقف النبض واتريت بروحه طاح …
رحت الحكومي كله كانوا يقولولي بروحه بيطيح انتظري وفعلا بروحه طاح …
يا رب يكون في خطأ في الحساب من الدكاتره ويكون طبيعي وتشوفين النبض حبيبتي ويقر عينج الغالية …