بنات أنا أبي أسافر و محتارة بين ايطاليا و تايلند…
وين أحسن ؟؟
المشكلة اني خايفة من انفلونزا الخنازير و ما أعرف ويين أكثر…
شوروا علي؟؟؟
شو رايكم و منو سافرت لواحد من هالمكانين و شو اجراءات السلامة اللي اتبعتوها؟؟
يعني تايلاند يسيرونها اللي يحبون يشترون بضاعة بسعر مخفض
وللعلاج وبعض المرافق السياحية
وايطاليا يسيرونها اللي يحبون المدن القديمة والبضاعة الايطالية المتقنه
والماركات والاكل اللذيذ والسياحة في المتاحف والمواقع الاثرية.
وتقدرين تشوفين الروابط اللي في توقيعي كمثال عن ايطاليا
وبخصوص المرض صدقيني هذا شي بإيد الله
ويوم تسافرين ما تلقين حد لابس كمامات أو غيره
مكبرين الموضوع عندنا بس.
انتي التزمي بشروط السلامة مثل غسل الإيدين مباشرة من تردين من السوق
تجنبي الاماكن المزدحمة والمغلقة في نفس الوقت
وما عليج شر ان شا الله
وايطاليا حق السياحهـ ^^
صلي استخاره وشوفي اكثر مكان ترتاحيله وتوكلي على الله
انا من قبل كمن يوم راده من تايلند الحمدالله وصلنا بسلامه وماشكينا من شي وماخذين احطياطاتنا
انا بقولج عن تايلند وايطاليا شو الفرق امبينهم
من ناحية الطبيعة : تايلند اولا ً وايطاليا ثانيا (لأنه ما اشوف فيها طبيعه ذاك الزود اللي في تايلند)
الشوبينغ: تايلند (اسواق ليل ونهار)
اماكن سياحيه : في الدولتين بس انا اشوف من رايي تايلند فيها اكثر بتقولين ليش
فيها شلالات و بحار وجزر واماكن ترفيهيه للكبار والصغار و بعد مناطق حلوه في تايلند ماتنعد وايد وانهار بعد
وايطاليا حلوه ما اقولج لا وفيها اماكن بس ترفيه اكثر والله بتلقينها في تايلند انا سرت ايطاليا سنة 2024 وايد حلوه واحلى شي جزيرة كابري caprie هاي الجزيره لازم اتسيرين له عن طريق القطار وهالقطار تتوجهين له عن طريق مدينة نابولي napolie واماكن حل ثانيه و في روما مطاعم عربيه وايد
لاكن والله مابترتاحين الا في تايلند وااااااايد شعبها طيب و متفهمين
اما في ايطاليا نظراتهم على العرب حقوده جدا ً ويتميزون بالنصب والاحتيال انا سايرتلها واقولج عن خبرتيه
صدقيييييييييييييني صدقيييييييني بترتاحين في تايلند
بس ما انصحج ابدا ً في شارع العرب لأنه وسخ وقذر ماعرف حق شو امسمينه شارع العرب
عندج اماكن راقيه مثل فندق كونراد وفندق جي دبليو ماريوت ان شاء الله اذا الله راد لي السنه اليايه بسكن فيه
لأنه عايبني مكانه ووايد نظيف ومطاعم العربيه توصل للفندق
وحتى بعد فندق جراند سكوموفيت واااااايد اوكيه والمنطقه جدامه نظيف وراقي و الفنادق اللي ذكرتهن نظاف
واذا تبين فندق مستوى عالمي فندق شيراتون سكوموفيت
انا حاليا ً محتاره بين شيراتون و جي دبليو ماريوت وان شاء الله بقرر لين هذاك الوقت
وانا الا من كم يوم راده والله لو تدرين ماودي ارد
من بعد الشوبينغ و الوناسه و الطلعات و الييات ليل وانهار والله صدددددددددددددق وناسهبغيت أفيدج غختي ولو بشي بسيط بما إني سرت الدولتين ^^
بالنسبه لتايلند :
نفس ما قالو الخوات بتحصلين الاسواق مفتووحه ليل ونهار وكل شي متوفر الحمدلله من اكلات عربيه وغيره بس المشكله ان في الفتره الاخيره زادت جرايم القتل والسرقات الغاليه يعني بالمختصر النفيد تايلند مب امان نفس قبل ..
والشي الي كرهني فيها بعد انج بتحسين عمرج في دوله من دول الخليج .. ما بتحسين انج براا الديره لكثره الخليجيين فيها مما ادى لرفع الاسعار وغيره ..
تايلند رحتها مره ومب ناويه اككرها مره ثانيه ^^
بالنسبه لايطاليا:
لو جابه تعيشين اجواء شهر العسل مره ثانيه انصحج تروحينها … مكان هادي ومب ازعاج وزحمه نفس تايلند وغير الدخاخين والغبره ^^ طبيعه ولا احلى منها والله انا من رحت حسيت براحه نفسيه والله ^^
ونفس الشي مع ابوا وامي والعايله كلها .. صدق استانسنا .. فيها كل شي بس المشكله ان السكان الانجلش مالهم مب لهناك يعني بتتوهقوون شوي ..
من كثر ما اسافر تعلمت شي والله وصدق بيفيدكم وين ما رحتوو ان شاء الله الي هو :
كتاب اللغات او اقدر اقول اللغه الايطاليه .. بتحصلين الكتب في المكتبات الصغريه حتى .. واهم شي الباستــــــآآ والله شي خيااااال .. لدرجه اني اقنعت امي اني اشل خدامتنا واخليها ترتز عند طباخ مغربي تعرفنا عليه <<< خبله ادري ككككك .
واحس ان خيارات المطاعم والاكلات اكثر في ايطاليا ^^
واهم شي ما بتحصلين عرب وااايد >> تعقدت والله
بتحصلين وايد مغاربه مناك عسل وربي وبيساعدوونكم بللي تبوونه ^^
الغاليه ادري اني طولت عليج . اتمنى اكون افتدج ولو بشي بسيط ..
وان شاء الله تستانسين بالسفره وين ما كانت ^^
ســـآرووهـ ؛