بصراحه انا ماانصحها انها تاخذه هي بعدها صغيره بعز شبابها شو الي حادنها تاخذه يعني بس لانه كسر خاطرها هو عرس وشبع من الدنيا الحين يبه حد يسولف وياه وعنده ربعه هي اذا خذته بس مجرد انها تخدمه صدقيني عقبها بتمل وبتتندم يمكن ايها نصيبها وتعيش حياتها وتييب عيال وتكون اسره اوكي تقدر تساعده بس مب شرط تتزوجه
الله يوفقها ان شاءالله
بس اختي خل تفكر زين لان بعدها صغيره ومردها بيكون ودها يصير عندها عيال تلاعبهم وتسبحهم وتوكلهم ويكون عندها زوج بنفس عمرها يطلعها ويدلعها ويونسها ويشاركها احزانها وافراحها
لكن الشايب معاه بتنحرم من كل هالاشيا .. بتقول ماتفكر بالعيال اوكيه انا معاج فهالنقطه كثيرين قالوها لكن بعد فتره ترى بتمل وبتشوف الصغاريه عيال ربيعاتها وخواتها وجي بتحن وبيصير فخاطرها ياهل =
وغير هذا الشيبه معاه بتنحرم من الطلعات كأي زوجين و الدلع وجي من فينا ماتحب زوجها يدلعها ويطلعها ويوديها ويجيبها ؟ ويروحون السوق مع بعض يتشرون اغراض للبيت وجي
احس ان كل هالاشيا مع الشيبه مابتصير
لان كأنج يالسه فالبيت مع ابو كبير فالسن او يدج تقضين يومج بس تخدمينه وترعينه وهو مرتاح ومتهني لكن مب معقوله مابتجيج اوقات بتتمللين فيها او بيصير فخاطرج واحد يحس فيج ويهتم بج
مادري ليش مع الشايب احس بيصير عندها فراغ عاطفي = مجرد احسآس
فلا تتسرع بهالقرار والله يوفقها يااارب ويكتب لها اللي فيه خير لها ان شاء الله
هذا قرارهااا وتتحمل نتيجته
ها القرار ماعتقد اخذته بسهوله ..
ودام بعدهاا خايفه من المستقبل
يعني بعدهاا متررده وهذا قرار خاطىء
شو يعني عمرهاا فنهاية العشرين خير شو صار
توهب عمرهاا للعباده والطاعه .. وتقدر تخبر اهلها عن ها الريال
ويساعدونه تساعده مابنقول لا .. بس كلمة توهب عمرهاا ماتوقع انهاا لفظ مناسب ابداا
البنت بعدهاا شابه ومغريات الحياه كثيره .. اليوم الكلام سهل
باجر الفعل من اصعب لاصعب …باجر بتكتب لهاا ذنووووب لانهاا ماراعته
تراعيه وتهتم فيه وهو فبيته .. تحطله من اكلهم تطرش خدامتهم اتيب ملابسه وتغسلهن ..
المساعده ممكن تقدمهاا باي طريقه غير الهبه الي تتكلم عنهاا
الله يوفقهاا
وليش ماتبغي عيال ؟؟
حد ما يبغي ذرية تنفعة في كبرة ؟
واذا من ناحية انه هو كاسر خاطرها . ترى وايد شواب في دار المسنين مالهم حد , ومحد يسأل عنهم اصلا
بس هذا مب معناه انه لازم نتزوجهم !
ما فيها شي اذا ساعدتة ووفرت له السكن والاكل والخدم اللي يخدمونة , لوجهة الله واجرها ما بيضيع عند الله
لكن تتزوجة ؟ وايد صعبة
وايد بنات وصلوا الثلاثين والاربعين وما تزوجوا للحين , وهي خايفة على نفسها انها بتعنس
وقررت انها تاخذه ؟! ما فكرت في نفسها بعد 10 سنوات شو بيكون مصيرها وياه وهي في عز الشباب ؟؟
مب منطق هذا
وفي النهاية القرار قرارها وخل تتحمل نتيجة اختيارها
الشيبه مثل ما قالو الاخوآت يبا حد يخدمه .. وهو تزوج وعاش عمره
البنت دآمنهـا تعرف ربها وتحب الخير خلها تتريا الريـال اللي بيشلها فعيونه واتييب عيال منه وتربيهم احسن تربيه
بس سؤآل
هي كيف بتتزوجه !؟ يعني الريال بيي يخطبها ولا كيف !؟ مب حلوه تقول لاهلهاا ابا اتزوج الشيبه .. اكسب فيه اجر
هـاذا رايي اختي
الله يوفقهاا ويكتبلها الخير
الزواج مب اني اخدمه و اسوي له و كسر خاطري ..
الزواج اكبر عن جي بوااااااااااااااااااااااايد ..
و هي بعدهاا صغيــره ..
لاازم تدرس و تلم بكل نووااحي هالخطوه الجريئهـ ..
يعني ما اتقوول بعتبره مثل ابوويه ..
الزوااج اكبر من جي بوايــــــــــــــد ..
بمعنى اختيه العزيزهـ انه تزوره من فتره لأخرى بوجود محــرم معاهاآآ اذاآ كاآن غريب عنهاآ وتساله شو محتاج وتعطيه الي محتاجه وتقوم فيه بدون ما تتزوجــه . . !
هل تستدعــي الساآآلفهـ انهـ تتزوجــه . . ؟
واآآيد ناآس يا حبيــبتي يساعدون المحتاجين ومنهم الشياب بالثياب وبالفلوس وبأن تيلس معاآه وتسولف معاآه وتسأله عن احواله بين فتره وفترهـ . .
, , اتمنى التوفــيق لربيعتج . .