الدخول ب 10 ريال << داشة القرية العالمية
البياض وما ادراكم ما البياض ؟ شو اللي يهمج اكثر ؟ بياض ؟ لون جسمج ؟ خدودج موردة ؟ تبغين تكونين سوو كيوت ؟ تبغين بشرتج شرات البيبي ؟ تبغين لمسامات تختفي؟
عن نفسي ما ابغي بياض ابغي لون جسمي يتوووحد ابغي بشرتي تكون ناعمة حلوة و بدون مسامات ؟؟؟
تعالوا بعطيكم اسرار جمالي
انزين الله يسلمكم انا انخطبت<< انزين مبروك شو نسوي لج ؟؟
خطيبي سألني ما شاء الله محلوة شو تستخدمين ؟<< اتحراه جي يتغزل بس
لا والله محلوة خبريني خليني استخدم الكريمات اللي تستخدمينها << لقافة
رديت عليه لا والله ما استخدم شي يمكن من يلسة البيت << خريطة كنت ماخذة اجازة يومين من دوامي
بخبركم شي خطيبي وايد يدقق وحتى انا دايما اقوله لو في شي مب عايبنك خبرني
الله يعينا و يعينكم
نبدا بسم الله
جمال عيوونج
-الماء هو سر الحياة ! حاولي تشربين ماي كثر ما تقدرين
-كريم مرطب للعين بشكل يومي ( ماركة بوتس- غارنييه- لوريال )
-ماسكات العيون
<< تخيلوا مرة خبرني" ع فكرة ترى تحت عيونج كان شي سواد و الحين خاز !! "
والله اني ضحكت صدق في رياييل يدققون ؟ قلت له عاد تعرف من سهر العرس و التجهيزات و عقبها انا لاحظت السواد و كل يوم اشرب 6 قلاصات ماي لين ما راح السواد
تبغين ويهج يكون بيبي فيس بدون اي عيوب !
-لازم تسيرين المستشفى تسوين فحص طبي كامل لجسمج و هرموناتج و الدم و البول و اشعه و كل شي لان في وايد بنات عندهم نقص حديد و هذا يأثر ع الشعر و الاظافر و البشرة او يمكن تكون عندج هرمونات او تكيس ف المبيض او اي امراض ثانية بعيد الشر ( خاصة للمشعرات واللي ما تطول ظفورهم نقص حديد )
-اي وحدة تعاني من حب الشباب انصحها بحبوب الريكوتين او في حبوب شراتها تكون لون الحبة حمراء مب متذكرة الاسم بس فعاليتها اقل من الريكوتين << طبعا عقب فحص الدم + بوصفة طبية
-كريم مرطب للويه ( مرطب كفردريم "ماكسيدرات لونه اخضر "- مرطب بوتس لونه ابيض – اي مرطب بناسب بشرتج)
– سن بلوووك ( اختاري اللي يناسب بشرتج بنسبة 50 مب اكثر ولا اقل )
– بخاخ ماي ورد بارد ( يوم تنشين الصبح و يوم تردين من دوامج بخي ماي الورد ع ويهج و ف اي وقت ثاني ) > هذا اكثر شي كان له دور ف تغيير بشرتي
– الروب البارد ( دايما حاولي تحطين روب ع ويهج )
– في جمن كريم لازم دوم يكونن وياج :
1- كريم فيسودين ( يخفف الاحمرار خاصة للي تسوي ليزر او تحف جسمها و ويها أو لو كنتي رادة من دوامج و ويهج لابق من الحرر حطي ها الكريم )
2- كريم ميبو ( تحطينه عقب كريم فسيودين يبرد جسمج و يخفف من البقع )
3-
Zinyrt lotion ( كلما فضيتي حطيه ع ويهج يخفف حب الشباب بشكل فظيع مع الاستخدام المستمر )
4- ماسك للويه ( هيمالايا او اي ماركة تعيبج )
5- فيتامينات ( في نوعين < للحديد و فيتامين أ ~ عقب تحليل الدم و تتاكدين سواء فيج نقص او لأ ~ بوصفة طبية)
هذا مال الفيتامين
هذا مال الحديد
لنعوووووومة و توحيد لون الجسم
– خلطة السدر و الكركم
سدر + كركم + روب بارد + ماي ورد بارد
– ملح الحليب
– الصوابين ( المغربي- الطاؤووس – الكركم – البابايا – …… الخ )
– سائل للإستحمام ( حاولي ادلعين عمرج بالنكهات اللي تحبينها )
– الحمام المغربي
– سائل الجلسرين ( يوحد لون الجسم وممكن تحطين فيه شوية ليمون ) << هذا له دور كبير ف توحيد لون الجسم
– الجلسوليد ( يوحد لون الجسم وبعد ينحط ع المنطقة الحساسة )
ف النهاية
شو كانت نتايج تجربتي ؟؟؟؟؟
انا بصراحة اهتم ف ويهي اكثر عن جسمي
فظهرت النتايج ف ويهي اسرع
استوى ويهي صافي اكثر عن قبل ، خدودي موردة ، المسامسات قلت ، لدرجة ويهي قبل كان دهني دهني الله لا يراويكم ، الحين استوى احسن بوايد ،،، يعني اعطيه نسبة تحسن 30 % و بالعكس النسبة خلال شهر و نص تقريبا وايد اووكي يعني لين العيد ان شاء الله بتغير للاحسن ،،،
و بنت عمي الحين تبغي تعرف السر و كتبت سري << اقري موضوعي
بنات ادري بتقولون كل هذا تسووويه !! تراني خبرتكم اهتم ف ويهي اكثر من جسمي بس ها الاشياء اللي صدق لقيت من وراها نتيجة حلوة
اتمنى التوفيق لكم و كل وحدة تسوي لها جدول مرتب تبدي فيه وما تكثر من الكريمات
وانصح العزابيات كل وحدة تهتم ف جسمها انا الحمد الله قبل كنت دوم اهتم و ع قولة امايه خلاص متسمكرة خخخخخ ، ما شاء الله كل وحدة تشتغل فتهتم بجمالها احسن من ما تصرف ع لبسها و الماركات
يالله ابغي ردود حلوة
و لوشن زنرت الاصفر مال حب الشباب ما عليه رمسة وايد رووعه حق الويه ^..^
تسلمين ع المجهوود الطيب
وبعض المنتجات لي قلتي عنهم استخدمهم وان شاءالله بحصل نتيجه حلوه . .