تبون تعرفون شوصارلي من بعد السحر

السلام عليكم ورحمه الله
https://forum.uaewomen.net/showthread…668&highlight=

طبعا كل سيدات المنتدى عارفين موضوعي تجربتي مع السحر وماشاءالله للحين في خوات يتابعون الموضوع ويبون رقم الراقي ومن فتره وحده من الخوات كلمتني بالفون وقالت وايد بنات استفادن . المهم تبون تعرفون شوصار من بعد المعاناه والله والله بخبركم كل شي بالصدق والامانه لاني بوقف يوم القيامه بين يدي رب العالمين .

والله ي بنات حيااااااااااااتي تغيرت ولله الحمد بكمل بعد االصلاه والقران

هل عالجتي السحر بفكه ؟؟
والا بالقران بس؟

لانهم احيانا يقولون السحر ما ينفك الا بسحر يفكه ..

انا ما تابعت موضوعج بس الحين بشوفه وبقراه، لين تحطين التغييرات اللي صارت لج.

والله يسعدج

سوري مالقيت موضوعج الجديم، لو تشرحين باختصار قبل كيف كانت حياتج وكيف صارت وكيف صارت هالتغييرات

بس فضول ^^

ننتظر القصه

سبحان الله وبحمده

ننتظر …..

هلا السموحه كنت اصلي واقرا قران . المهم ياحلوات اللي قالت ان السحر مايفكه الا سحر هذا حرام ومايجوز وشو الفايده السحر يعني جن يعني اطرد جني وادخل جني لافديتج مايفك السحر غير القرأن والاذكار الصبح والمسا والدعاء لله قبل كنت متزوجه 3سنوات و3شهور اتوقع ما اذكر كم شهر ولامره حملت ولامره وبالفتره الاخيره كنت احس بضيج وصياح وانعزال تام كنت ساكنه ابروحي ف بيت المهم مابذكر الماضي لانه خلاص راح وانتهى ولله الحمد .المهم فكيت السحر مع راقي في شهر 2 او 3 والله ما اذكر المهم شهر 7سنه2017سرت العمره وكنت اسير لقيام الله من الساعه 1ونص او 2 لين بعد طلوع الشمس طبعا اهلي نايمين بس اخبر اخوي اني بسير الحرم بالليل وعادي يسمح لي ويشجعني ومره سار وياي فديته الله يرجعه بالسلامه الحين مسافر .
المهم كنت ادعي ربي يغفر لي ويسامحني وكنت ادعي للي موجودين ف الحرم ان الله يتقبل دعائهم وايسر امورهم والله يابنات وانا ادعي للناس احس برااااااااااحه ف صدري اتخيل الناس مرتاحين والله يسر امورهم وكنت ادعي وادعي واتصدق ف الحرم انا مابمدح نفسي بس لازم تعرفون لما الواحد يسوي الخير يحصده