تبييض الاسنان بلليزر

بنات بسالكم من قد جرب تبييض الاسنان بالليزر

هل هو يعور ولا له اضرار وكيف كان شكلج طلع حلو ؟؟

لان فخاطري اجرب اريد اسناني تكون بيضا واااايد .. مع انه اسناني الحمدالله حلوه وبيضا وما فيها اي شي بس فخاطري تكون ناصعة البياض

موفقة الغالية

انا جربت الليزر بس الصراحه هلكت من العوار خاصه من الماده اللي تنحط على الاسنان يوم اتوصل للثه ويجي عليها الليزر اتحسين انج بتقطعين ثيابج اللي عليج من الالم قمت انشع القالب اللي حاطتنه الدكتوره حتى قالت لي لاتتحركين عشان ماتحترق اللثه من الليزر لازم مايوصل اللثه بس الصراحه سويت جلسه ونص وماقدرت اكمل كان المفروض اسوي ثلاث جلسات عشان اوصل للون المطلوب هذي تجربتي وماحبيت اكررها الصراحه اغسل اسناني يوميا واهتم فيهن فالبيت ولا اني اسوي ليزر

للرفع

ماعرف
ماعندي فكرة لموضوع

سويته قبل العرس بيوم
قبل العرس بيومين سوالي تنظيف عادي
اليوم الثاني سوالي التبييض بالليزر
هو مايعور
بس يتعب
يحطولج هالشي اللي يبطل حلجج
و يقعد يعابل فيه
ولازك اتمين فتره معينه تتعرضين لليزر
واتخيلي عاد حلجج مبطل جي
و النتيجه حلوه بس مؤقته
لازم ماتاكلين او تشربين شي فيه اصباغ
الكولا و الكاتشاب و الخ
بس النتيجه كانت عجيبه ف العرس لول
كنت امشي و ابتسم غصبا عني
حلجي بعده مجيم من التبييض خخخ

جنج ترمسين عني
والله مت عوار وماكملت الجلسة الثالثة،،عقيت بيزاتي على الفاضي خذو عني ١٧٠٠ درهم في العيادة الاسكتلندية الشارجة
والبياض مب ذاك زود يعني عادي!!