تجربتي الخاصه : قبل الزواج و بعد الزواج

السلام عليكم و رحمه الله و بركاته

هلا حبووووووووبات ^^ شحالكن !!

هالموضوع نزلته لطلب بعض العضوات و بنت عمي عشان افيدكن فيه ..

نبذه عني :

انا كنت متينه من بعد ما يتني الدورة و اتخربطت هرموناتي فوووووووووووووق تحت عقب الدورة .. و بدا و زني يزيد ألين وصلت 132

الصراحه كان دماااار شامل .. في الثانوية سويت رجيم خربوطي وجبه هيه و وجبه لا و نزلت لين 111 ما انصحكم فيه ابد لان طيح شعري و اتيني دوخه و جسمي يعورني و ترهلات و ..و……ألخ شي مو طبيعي .. ضريت جسمي حرااام

عقب دخلت الجامعه .. و زدت مره ثانيه لين 120 ب 3 اسابيع شفتو كيف رجيم 3 سنوات سار بلا نفعه .. المهم اخر سنه لي بالجامعه بعد الدراسه و التعب ما اعرف كيف نقصت لين 110 مع العلم انا كملت 7 سنوات في الجامعه و بس نقصت فيهم 10 كليوات خخخخخخخخخ

تعرفون انا قلت لعمري خلاص لا بنخطب ولا بتزوج .. فقدت الامل بعمري نهائيا .. من المتن كل شي يسود بويهج .. تفكرين بوااايد اشيا تكرهين نفسج ..

عقب صارت المفاجأه : انخطبت في سنه التخرج .. انصدمت صدمه عمري .. قلت لا بيهون الريال يوم النظرة الشرعيه .. لكن يوم شافني قال مواااافق 100%

انا عاد استانست .. و بنفس الوقت استحيت على ويهي .. هو ضعيف و انا درااااااااااااااااااااام

جان اشد الرحال .. و اقفظ مواعيني و بديت رجيم .. جربت كل انواااااااااااااااع الرجيم .. لكن الشي اللي فادني و وصلني من 110 لين 58 اللي هو وزني الحالي بعد 5 شهوووووووووور هو ….

1- اشرب 2 قواطي مسافي كبار ( 1.5 لتر ) يوميا
2- انوع بالرياضات :
رياضه المشي ساعه كامله ……. 3 ايا م بالاسبوع
السباحه 15 دقيقه …….. مره وحده كل اسبوعين
ألعب لعبه Wii Fitness …. مرتين بالاسبوع لمده 10 دقايق
أرقص لمده 15 دقيقه ……. 3 مرات بالاسبوع
نط على الحبل 100 مره ….. كل يوم وصار شي روتيني بالنسبه لي
رياضه البطن 30 مره كل يوم …… و انا على الفراش قبل ما انام
رياضه الفخذ 30 مره كل يوم ….. و انا على الفراش قبل ما انام
اذا سرت مول .. احاول اني امشي في المول ساعتين على الاقل و تعتبر رياضه اليوم ^^
و من اتزوجت انش الصبح انظف الشقه اللي يالسه فيها و اغسل و اكوي يعني اشعل نفسي ما ايلس و عقب صلاة المغرب اسير مع ريلي امشي عالبحر و اذا كان مشغول اسوي اي نوع من الرياضات من اللي ذكرتهم فوق ^^

احاول انوع قد ما اقدر في الرياضات .. كل يوم شي عشان ما امل ..

ألحين بخبركم شو كان نظامي بختصار و للحين ما شيه عليه :

كان وزني 110 ……. و صار 70 بــ 3 شهور

الفطور :
– كورنفلكس الرجيم + روب كامل الدسم + ماي
– بيضه مسلوقه + خس + خيار + توست اسمر + ماي + عصير اناناس الربيع
– جبن كامل الدسم + خس + خيار + فلفل بارد + توست اسمر + ماي + حليب كامل الدسم المراعي
– تونه مع داقوس + رغيف خبز اسمر + ماي + عصير فراوله

وجبه خفيفه ( ما بين الفطور و الغدا )+ ماي:
– برتقاله
– تفاحه
– كاكاو من نيوترشن ( لذييييييييييييييييييذ )
– شاي اخضر او الزنجبيل مع سكر الفراكه
– تركش كوفي

الغدا :
– لحم/ دجاج /سمك ( مشوي ) + صحن سلطه ( بالجبن/بالتونه) بس بدون ملح و جزر+ ماي + عصير ليمون نعناع الربيع
– يوم اكون في مول اطلب صحن سلطه و شي مسوي و ماي بس

خفايف ( بين الغذا و العشا )+ماي:
– فواكه بالكميه اللي تبينها بس كنت ما اكل الموز و المانجو
– شاي اخضر او زنجبيل او حليب كرك ^^

العشا ( سكون قبل الساعه 9 ) : انا كنت ملتزمه بالوقت بعد 9 ما كنت اكل شي
– ساندويش جبن بتوست اسمر + ماي
– برتقاله + تفاحه او اي فاكهتين

ألحين بقولكم اشيا سهلت علي مسأله النزول بكبرتها :

– كنت اكسر يوم في الاسبوع بوجبه وحده و كانت اكثر شي وجبه الغدا .. يعني اخذ من ماكدونالد وجبه ( تكون ريجيولار سايز مب الكبير ) او طبق صغير معكرونه / بتنزا 3 قطع / كيكه قطعه وحده .. يعني جي
– لما كنت احس باليوع اكل لي لبان ( علكة ) و بعدها ما احس بيوع لفتره طويله
– احاول ما اسهر عشان انظم وقتي بالاكل و الرياضه
– الايسكريم ( باسكن ) عوووووووقي .. كنت اكله كل اسبوعين مره .. و سكوب واحد ما اكثر
– العزااااااااااااااااااااايم .. يوم اعرف ان باجر عندي عزيمه .. احول اليوم اللي اكسر فيه لهاليوم .. يعني اكسر بس مب بالقو عالخفيف ..
– الكاكاو .. كاكاو نيوترشن كان يغنيني عن كل الكاكاوات لانه لذييييييييييييذ

و ألحين انا متزوجه ^^ و الحمد لله جسمي مافيه ترهلات .. و السواد راح اللي في الرقبه و الحبوب اللي في الويه و الظهر و الايد راحو ^^ الحمدلله
و كل المشاكل اللي كنت اعاني منها الحمدلله لك يا رب .. رااااااااااحت

فحبيت افيدكن حبيباتي .. ترا الرجيم القاسي ما ينفع .. خلج على روتينج بس خفيفي و ريااااااااااااااااااااضه اهم شي

و اللي تباني اشجعها انا حاااااااااااااااااااااااااااظرة و من العين و الخشم .. ابا كل متينه ترفع راسها و تعرف ان في أمل ^^

وزني الحالي 58 وهو ثابت

و يوم اخربط ما يتأثر وايد يزيد بالجرامات و لكن الرياضه اتخلي وزني ثابت ^^

الموضوع من مجهودي الشخصي .. و ليس منقول

ما شا الله عليج

بطبق من يوم الأربعاء ان شا الله

ما شاء الله تبارك الله
الله يديم عليج الصحه والعافيه
انجاز ومجهود ونتيجة مذهله جدا يالغاليه

كم المدة اللي نقصتي فيها وزنج لين وصلتي لـ 58

بالتوفيق حبوبه ^^ و خبريني شو بيصير معاج ..

تقريبا 5 شهور .. يعني

قبل الزواج بشهرين من 110 لين 70

و بعد الزواج ألين ألحين 70 لبن 58 و صار لي اتزوجت 3 شهور ^^ مع اني سرت شهر العسل
بس كله كان مشي مع تخبيص .. بس كنت وايد نمشي و نركب جبال يعني بروحه رياضه رجعت من شهر العسل ناقصه 3 كيلو
و ريلي نقص كيلوين ^^

ماعليه تحمليني بزعجج بالاسئله
بخصوص الاراده كيف قدرتي تتحكمين فيها

والوزن كنتي مخصصه يوم بالاسبوع والا بالشهر مره توزنين