تجربتي اليوم مع كايا كلينك (:

اهلين خوااااتي

الله يسلمكم انا من فترة كنت اتعالج بالليزر حق ويهي

اول جلسه وااااااااااااااايد ارتحت

ثاني جلسه احترق ويهي وصارت لي بقع بنيه فويهي ومن شهرين وانا اقول باجر بيختفوا وحاطه هالامل بس ماكو فايده

كرهت ويهي وتندمت اني سويت ليزر

وكل ماشوفه فديته وهو اللي كان يضرب به المثل فبيتنا وعند اهلنا …صار ايييب لي الاكتئاب……

ومن يوم ليوم اقول بسير كايا كلينك اللي عندنا واتعايز ):

عاد اليوم العصر ماتحملت اتصلت بهم وع طوووول حجزت الموعد وطبيت عليهم

بصراحه المكان راقي واللي فيه تعاملهم راااااااااااااقي

علاجي بيكلف تقريبا 6000 درهم …ع مدى خمس او ست شهور

جلستين فكل شهر….يعني جلسه كل 15 يوم

بديت اليوم معاهم اول جلسه

وعلاجي راح يكون ع برنامجين : الاول تقشير لازالة الحب اللي ظهر لي بعد الليزر وخلى بشرتي حساسه وبيكون 8 جلسات

والبرنامج الثاني على اربع جلسات علاج لازالة اثار البقع اللي في ويهي

شغلهم نظيف وامرتب….وتعاملهم واااايد حلووووووو

عاد انا ماستحمل اشوف ويهي وبشرتي جيه …..فاتمنى ان شاء الله ترد بشرتي شرات قبل واحسن

فديتكم بنات بعد عندهم برامج تجهيز للعرايس من تبيض وغيرها …..واسعارهم وااايد حلوووه

قلت من اعرس الا اسير عندهم ….خلاص بكون زبونتهم الدائمه

حبيت اخبركم عنهم بس ….ومن اشوف النتايج راح اخبركم بعد

نسيت اخبركم

تقدري تدفعي المبلغ على اقساط….اربعة اقساط اكثر شي….او تقدري تدفعيهم مره وحده ,….اللي يريحج…..