قصتي من الليزر … اول شي انا كنت من النوم الي انقهر واي شعره تطلع في المنطقه الي فوق الشفايف انقهر منها … ما خليت شي… خيط .. ومكينه ليمه حسيت المنطقه لونها صار غامج ! يوم حسيت هالاحساس كنت شوي واصيح وانا بيضه ويبين ! قلت مستحيل قمت اشيل بموووس وقلت بعدين بشيل بليزر تميت 3 شهور مع الموس والمنطقه اغمجت زياده ! لمه قلت بسني عيز! لازم احجز موعد..
حجزت الموعد ورحت وانا ما توقعت الي صار ابدا … اول شي سوت لي تيست على رقبي وثاني يوم بلشت الليزر على المنطقه الي فوق الشفايف.. حطت جيل بااااارد … وبدت.. الصراحه حسيت قلبي بيوقف! لانه كل مره تضرب هالجهاز انا انط من مكاني! يعووور واحس شي احمر بعيوني مع اني مسكره عيوني ولابسه مثل النظارات! كانت 4 ضربات ومشيت
طبعا الشعر موجود ما راح وقالت لي لا تحطين اي مكياج لمده 24 ساعه ولا اي كريم ولا تعرضين المنطقه للشمس الا بكريم واقي من الشمس وخذيت جيل الصبار يبرد هالمنطقه!
مر الوقت والله بنات ما ابالغ اول اسبوع عادي ما تغير شي كنت اشيل بالموس او اني اقص ما يصير اشيل الشعر من العرج المهم تميت وحسيت بباض بالمنطقه هذي ! والشعر خف بشكل مو طبيعي ! استغرب والله وهذي من جلسه وحده وان شاء الله بسوي الجوانب من ويهي وعقبال جسمي كله والله بنات الي تعاني من المنطقه هذي وتحس انها قامت تسمر من الشيل وايد تسوي ليزر نصيحه والي تبي تسأل وين مسويه مو في الخليج انا ببريطانيا وعيادتي هني ببريطانيا
انا ابا اسوي بس متخوفه لاني ما احاني من الشعر الكثيف و مناطق غامجه..!!
ظنج اجرب واسوي..
ابا اسوي لتحت الذراع لاني عيزت من الحلاوه..^.^..
والله بصراحه اشجعج تسوين ريولج وايديج بعد ..
لاني انا احينه بديت اسوي الـ IPL حق شنبي والباط .. وبس رحت اول جلسة وماشاءلله شئ عجيييييب
صح مثل ماتقولين تحسين بهالليت الاحمر وفي وخز بسيط وفيه حرورة بسيطه ولكن النتيجه تستاهل
هاكله .. وحتى يوم سويت منطقة الباط .. كنت متخوفه انه يعورني ولكن واللــــــــه اني ماحسيت بأي
شئ .. بس مجرد صوت ..
واحينه الحمدلله مرتاااحه ماتشلين ولا تلعوزين عمرج الا مرة في الشهر ..
وان شاءلله بكمل مشواري ويا الــ IPL وبسوي ايديه كاامله وريولي بعد ..
وبالتوفيق ان شاءلله
خلاص عيل بسير وباخذ موعد