بس للأسف محد فادني و هذا رابط الموضوع
https://forum.uaewomen.net/showthread…220&highlight=
المهم انا وعدتكم انقل تجربتي ،،،
خلصت السه الاخيره و ال12 يوم الخميس اللي طاف و ابدا ما طوفت ولا
جلسه،،،
3 ايام بالاسبوع و كل يوم اتمين تقريبا ساعتين خلالهم يستخدمون جهازين
واحد نفس فكرة الLPG بس له اسم ثاني و صراحه هذا فادني من ناحية
تخفيف منظر السيلوليت فقط،،،، مدة الجهاز 45 دقيقه،،،
عقبهاز اسمه Slimming عباره عن كهربا ،،، يلفون مناطق المتن في الجسم
بربطات موصوله بكهربه ،،، الجهاز على قولتهم كأنج تلعبين 7 ساعات
رياضه،،،
المهم،،،،انا اول ما بديت و قبل الدفع سألتهم اذا لازم دايت لاني ما احب اتقيد
باكل معين قالوا لو التزمتي بدايت بتنزلين وزن اكثر و اذا ما التزمتي ما
بتنزلين وزن بس بتنزل قياساتج بشكل ملحوظ،،،،
للعلم،،،،انا مب متينه بس منطقة الفخوذ اباها تنزل،،، و اول اسبوعين
ما التزمت بالدايت بس كنت ما اكل حلويات و لا مشروبات غازيه و لا معجنات،،،،
كنت اكل خبز فترة الصبح و باقي اليوم مخففه،،،، تموا يقولون لازم دايت
و من هالكلام،،،،رحت دكتور و التزمت حرفيا معاه اخر اسبوعين و نزل
وزني كيلوين و نص،،،
بس للأسف و لا سم صغر في قياسات الفخوذ عندي،،،،هم قالوا اني نقصت
كم سم بس طبعا انا مب معتمده على قياسهم من البدايه لاني ماخذه
قياساتي و عندي بنطلون معين لو انزل نص سم بيفرق،،،
انا ماريد اظلمهم يمكن طبيعة جسمي ما ناسبها،،،،و يمكن في ناس استفادت
بس بالنسبه لي كانت تجربه فاشله و ندمت عليها،،،
و اسمحولي طولت الرمسه بس حبيت انقل تجربتي نفس ما وعدتكم
مشكورة علة ذكر التجربه
واايد أفدتينا و وفرتي علينا..
وان شاء الله تلاقين طريقة توصلين فيها لهدفج
عليج بجهاز السيكل للفخوذ واستمري عليه
وبتلاحظي الفرق ^^
ربي يوفقج
