ما بطول عليكم هذي خلاصة تجربتي وبحثي المتوااصل في الكريمات ومكونااتها وطرق العناية في البشرة لكن أحب أنوه قبل كل شي ..كان هدفي مب تبييض البشرة ..كنت أدور كريم يوحد اللون ويصفي بشرتي خااااصة منطقة السواد تحت العيون لإنه ويهي كاااااان بااااااااااااااااهت وكنت دوووم أتفشل كل من شااااافني يقوولي وشفيج تعباااانه ؟ ليش ويهج أصفر لين خلالالالاص تعقدت صرااحة…وبدأت البحث
الكريمات اللي تحتوي على الفاهيدروكسي ( بالعربي أحماض الفوااكه ) هذي ضروووورية جدا لإنها تعمل على التخلص من الجلد الميت وتقشر البشرة ( تقشير خفيف طبعا …ها الكريمات التجارية ) لكن لو سرتو عند أي طبيب جلدية ممكن يسوي لكم تقشير عميق بالألفاهيدروكسي ( ويستخدمونه في حالات حب الشباب وندوب البشرة والحرق أحيانا ) ….طبعا حسب التركيز….يعني الكريمات التجميلية مثل اللي في الجمعيات وجي تركيز أحماض الفواكه فيها يكون بنسب معقوولة تتماشى مع الإستخداام البسيط والعااام ….أما اللي يستخدمونه أطباء الجلدية يكون التركيز عاااالي يتماشى مع الإستخدام العلاجي..
والمعلوومات ها كلها يبتها من النت بعد ما قرأت عن تجاارب البنات وأهمية أحمااض الفواكه للبشرة …والصراحة ما كنت أعرف شي إسمه أحماض فواكه من قبل ..ع العموم تقدرون تسوون سيرش عنها بنفسكم وتحكمون ( أي كريم فيه أحمااض فوااكه لالالالالالالازم نستخدم ويااه كريم وااقي للشمس )
جربت كريم واحد بناء على مدح كذا بنت له من نيتروجينا لوشن للويه مكتوب عليه بالخط الصغير في النص AlphaHydroxy
والصرااحة كااان واااايد روووعة وصدج حسيت بالفرق…….أول أياام يعطيج لسعة في الويه ..ويصير الويه على حمار شوي مع تقشير خفييييف يرووح بعد يومين..لكنه وااايد عيبني الصرااحة ….هااا أولا
ثاااانيا : كنت أستخدم زيت اللوز الحلو المر…حسب المتوفر مع إنه البعض يفرق بين المر للبشرة والحلو للشعر…( يغذي البشرة ويحفظ لونها واللي تريد تعرف أكثر عنه تسوي سيرش في النت ) كنت أييبه من عند محمصة بيروت أو مركز المخلللات ) ماركة تاكت ..غرشة صغيرة 27 درهم شي جي …في النهار أحط منه وفي الليل أستخدم كريم نيتروجينا
وأيام لو مالي خلق على الزيت في النهااار أحط أي كريم مرطب بشــــــــــــرط يحتوي على فيتامينات مثل فيتامين سي أو إيه …وها أمرها بسيط جدا …يوم تسيرون مثلا محلات مثل أريج ..إسألو عن كريم للترطيب اليومي بشرط يكون كريم مرطب ومغذي بنفس الوقت ( يعني يكون يحتوي على فيتامينات وإسألو عن نوع الفيتامين ..فيتامين سي أو إيه وكم نسبة تركيز الفيتامين في المرطب )
عني أستخدم كريم سيلكس سي ( من صيدلية بوتس Boots ) الموجودة في الوحدة مول …كريم مرطب ويحتوي نسبة عالية من فيتامين سي ….سعره 200 درهم
وبعد عندكم كريم من ماركة كلينك ..مرطب ويحتوي على فيتامينات منوعة (Multi Vitamens ) وسعره نفس الشي بحدود 220 درهم….ها ما جربته كنت سائلة عنه وناوية أشترييه لكني بعدين سرت صيدلية بوتس بالصدفة وشفت هالكريم وصادفت كنت قارئة عنه في أحد المنتديات وكانو البنات مادحينه …والكريم جربته على ويهي في المحل بعدين طلعت وقلت لهم برد لو ناسب بشرتي وخذتلي طووفة في الموول وحسيته وااااااايد أوكي والبشرة إمتصته بسرعة عسب جي رديت لهم آخر الطووفة وشريته 
……….ها كااااان ثالثا
رااااااابعا : وقت الطلعة طبــــــــــــــــــــــــــــــــــــعا وااقي الشمي أبدا أبدا أبدا ماااااااااا أطلع من دوووووووونه …بناااات اللي تبي بشرتها صحية لالالالازم وااقي الشمس
يمنع الزيوان وأشعة الشمس الضااارة اللي تسبب بهتان البشرة + إنه يمنع إسمرار الويه ..حتى الأشعة وقت العصر تسببب إسمرار للبشرة …أستخدم واقي من ماركة هاميلتون معصااار لونه بيج غاامق ( في منه المعصار من برع لونه أبيض ..أنا أستخدم اللي لونه على بني ..مرتاحة عليه واايد ) 70 درهم شي جي …الكريم نفسه نفس الشي لونه بني يعني ملون مب أبيض مثل باقي الكريمات..يعني يناسب بشرتي لإني حنطاوية ..باقي الكريمات الثاانية اللي لونها أبيض أبدا ما نااسبتني لإنه فيها لمعة وثقيلة كانت على ويهي وتعطي لون أبيض كأني حااطة بويه مب كريم….
خاااااااامسا : غسووول الويه ودرت عني الصاااااااابون كــله ….ماكو ماااركة معينة أستخدمها…عندي غسول من نيتروجينا ومن هيملايا ومن إسكينول ….وكله أووووكي ويااااي وأسعااارهم معقووولة جدا
سااااااااااااادسا : هذي ماراح تصدقوونها لإنها قوية بس حقيقية بنفس الوقت …شرب الماااااااااي…صرت أشرب ما بين 6 -8 كاسات مااي يوميا ….شو خص الماي بتفتيح البشرة ؟؟ البشرة يوم تكوون تعبااانه تكوون باااهتة وذبلانة…واللون الباااهت يسود الويه ويعتمه …والبشرة الصحية دوووم يوصفونها بإنها بشرة فيها رونق ونضاارة ..مثل التفااح الأحمر الطازة يكون يشهي ولونه فاااتج صدج فيه رونق ويلمع …ويوم يكووون له فترة طويلة وذبلان شوفو كيف يكوون لونه بااهت وغااامج ويسد النفس عن كل شي إسمه تفااح … فاشلة باللغة العربية من يومي لوووول
المووووهم ذول الخطواات اللي كنت أستخدمهم سااااااابقا….خطوااات بسيطة لكـــن بعد المدواامة على الإستخداام الكل لالالالاحظ وبقوة وبدا يقولي مبيضة ..منورة ..مفتحة …محلوة …إلخ والصراااحة بالفعل بشرتي فرقت وااايد عن قبل وصرت صدج احسها تحسنت واايد ولله الحمد
الحينة آخر المغااامراات مالتي .. . ..أجرب في كريم أكيد معظمكم سمع فيه ….كريم الإلدكوين فورت 4% ( مبيض طبي خالي من الزئبق ..يوصف لحالات التصبغ الجلدي ..مثل الكلف ) …ها الكريم يفيد في الحالات اللي تكون فيها البشرة تحتوي على تصبغات أو بقع دااكنه ناااتجة عن أسباب عرضية …يعني كلف الحمل …إسمرار البشرة بسبة أشعة الشمس …مو تي وحدة الحينة لونها أسااااسا أسمر بالخلقة وتحط في بالها راح يبيضها …لا ..ترا هو ينفع للحالات اللي ذكرتها سااااابقا…وما يجوز نستخدمه أكثر عن شهرين ..حسب ما قريت في الوصفة الطبية مالت الدوة …وممكن إستخدامه للمناااااطق الحساااسة والأكواع والركب وووااايد مدحووه من هالنااحية مخلوط مع كريمات ثانية اللي راح أذكرها الحينة ……ومصــــــــــــــــــــــــيبة عووودة لو أستخدم من غير واااقي شمس …لإنه أي تعرض لأشعة الشمس وقت إستخدامه يزيد الطين بلة ويسوي تصبغاات وبقع سمرة …وقد أعذز من أنذر )
بخبركم قصة البنت اللي كاااتبة تجربتها تقوول إستخدمت الكريمات الثلاث بناء على وصفة الدكتورة ..
إلدكوين فورت…
Fair & White ( كريم يحوي أحماض فواكه طبي )
وأفااالون ..( كريم للتبييض بعد طبي ).
.كانت تحطهم ورا بعض ..يعني مب مخلوطين ..تحط الأول وتنطر 10 دقايق وتحط الثاني وهكذا …وإستخدمتهم لمدة شهر ووقفت ومررة ثااانية البنت شددت على واااقي الشمس ..وماااكو منتدى ذكر أي من الكريمات السااااابقة إلا وركز على الوااقي حتى في منتدى طبي ذكر فيه الدكتوور على أهمية الواااقي …….لكني الحينة بعدني على الأول… الثنين البااقيين جااري البحث عنهم وأحب أنوه في منتدياات ذمووو في الكريمات المذكوورة أعلالاه…
بناااااااااات التجربة هذي أنا أجربها على مسؤووليتي الخااااااصة …ومثل ما قلت قبل …في بنااات مدحو وبناات ذمواا….أنا مب دكتووورة ومااا أقدر أنصح أو أذم في الكريمات ذووول …لإني توني قااعدة أجرب …لكني قرأت وااااااايد عنهم وااايد سويت سيرش لين إقتنعت وقررت أجرب حظي
نسيــت أخبركم ..بتلاحظون إنه أسعاار الكريمات مب غااالية وااايد ….ترى ها شي تعلمته من كثر لفي في المنتديات بأقساام البشرة وأنواع الكريمات وتكوينها
مب كل كريم غااالي يكووون مميز عن غيره ….العبرة مش في السعر العبرة في المكونااات مالت الكريم
حتى في برناامج أوبرا يوم سوت حلقة عن منتجات العناية في البشرة ذكرت إنه وااايد كريمات في السوق تنااافس الكريمات الماااركة واللي يكون سعرها ضو …ويكون سعر هذي الكريمات أرخص عنهم ولها نفس المفعول إن ما كان نفسه
ما أقوووول الرخيص أحسن عن الغااالي …ولا إنه الغااالي ما يسوى…..كل شي وله شي….مثــــلا ..الغسوول مب ضرووري يكووون غااالي في وااايد أنوااع سعرها معقوول ومفعوولها أوكي
المرطباات أنواااع …حسب مكونات المرطب يكون سعره من وجهة نظري ….في مرطبات تحتوي كولاجين …وفيه تحتوي فيتامين معين مثلا ..ومب كلها نفس السعر …وتركيز المادة نفسها في المرطب له أثره وسعره …والمرطب شي ضرووري للبشرة لإنه يحااافظ على شبااابها ..لالازم نهتم فيه ونسأل عنه زين والسعر المرتفع مش مؤشر على مدى فعاالية و جودة السلعة أبداا.يعني لا نعتمد على السعر في البحث لالازم نسأل عن المكونات قبل كل شي..
إن شاء الله تستفيدون من موضوعي وتجربتي اللي حبيت أنقلها لوجه الله تعالى …وترى اللي ينااااااسب وحدة مب ضرووري يناااسب الثانية ..لكني حبيت أعطيكم فكرة عن القاااعدة اللي ممكن تبدأوون منها …يعني مب ضرووري تشترون الكريماات من نفس الماااركة اللي ذكرتها ..كل وحدة أدرى بطبيعة بشرتها …لكن المهم يوم تشترون تعرفون شو قاعدين تشترون …واااايد أشكال وأنواع للمرطبات اليومية لكن مب كلها يحتوي فيتامينات ومب كلها فيه أحمااض فواكه ….يوم إدورون كريم للبشرة إقرو النشرة اللي عليه وإن ما فهتم شي ردو البيت وسوو سيرش في النت عن مكونات الكريم ..والنت مليااااااات قصص وأخباار من المنتديات وغيره وأكيد رااح تستفيدون مثل ما انا إستفدت إن شاءالله
ولا تنسووني من دعااائكم
مســا الــورد
مـا شاء الله عليــج
ما قصـرتي ف طــرح تجربــتج
عن جــد استــفدت منــج
يــزاج الله خــير حبــوبه
ربــي يحفــظج
^_^
تسلمين..