تجمع اللي ولدوا بمستشفى دبي

السلام عليكم
شحالكم بنات
حبيت اسأل البنات اللي ولدوا بمستشفى دبي عن تجاربكم …
يعني شو شفتوا هناك ما عيبكم ؟ بحيث اننا نقدر نتفادى هالشي؟
قصدي شو شفتوا من الممرضات ماعيبكم؟
شو شفتوا من الطبيبات ما عيبكم؟
منو الدكتورة اللي ولدتج؟ شرايج فيها؟
خلال اقامتج كنتي مرتاحة؟ هل حصلت لج اي مشاكل؟
انا اسأل لأن بولادتي الاولى كلشي كان تمااااام بس اتفاجئت بوحدة من الممرضات هندية تفاتن على المريضة (كانت لبنانية) تقولها don’t shout لانها كانت تتألم بصوت عالي….
بس ممرضتي والدكتورة اللي ولدتني كانوا حنونات….
وخلال اقامتي حسيت انهم مشغولين وايد و لو ما أوقف على راسهم ينسون وينشغلون بأشياء ثانية
واختي اللي ربت هناك تشتكي من دكتورتها تقول موب زينة وتفاتن بس ما تعرف شو إسمها تقول ياليتنا حشتها و طلبت غيرها لانهم كانوا 3 موجودين
على فكرة خلال مراجعتي حسيت بعضهم زينين وبعضهم مش ولابد بس للأسف ماكنت اسأل عن أساميهم
أبا استفيد علشان أكون ماخذة احتياطي و علشان الكل يستفيد

انا بربي هناك بس فيناس يمدحونهم وناس يذمونهم ولالاخص الممرضات الهنديات يقولون مو شي

انا الحمدلله ربيت هناك ويبت خلوفي .. وكان تعاملهم وياي حلووو وما خلون مووول لين الولاده… صح انهم كانووو مشغولات وااايد بس بعد كان اهتمامهم حلووو… سمعت وحده من الممرضات اتصارخ على وحده اتقول لها don’t shout لانها كانت تصارخ وااايد .. شكلهم ما يحبون حد يصارخ .. بس والله الوحده من كثر الالم ما تعرف شووو اتسوي..
انا دخلت عندهم الساعه 11 فالليل وربيت الساعه 5 الفجر .. وكانت الممرضه والدكتوره كل اشوي اروحو ويرجعون لي.. واخر شي يوم قربت الولاده .. تمت الممرضه عندي بالغرفه لين ما خذتني لغرفة الولاده والحمدلله ولدت

وبالنسبه للاقامه عندهم .. الصراحه كنت مرتاحه وااايد عندهم … حتى كل اللي زارني يقولون المستشفى شكله من برع تعبان .. بس الغرف من داخل وااايد روعه وكبيره.. جنه فندق خمس نجوم

والدكتوره اللي ولدتني اسمها غاده.. وما اعرف اسماء الممرضات الهنديات اللي كانو عندي..

انا بصراحه في بنتي الكبيره ولدت عندهم بصراحه يتني دكتورتين كلهن عراقيات حتى وحده منهن صغيره في السن كنت

مستغربه حسبتها متدربه سألت الممرضه قالت هذي دكتورة ولادة من قبل عندهم يعني مب متدربه المهم انا ارتحت

من الدكاتره وحتى الممرضات تمن ويايه لين ربيت حتى يوم انتهى وقتهن بالباجر زارني واطمنن عليه الحمدالله

الدلوعة
يعتمد سمعت ان بعض الهنديات زينات وبعضهم لأ و الفلبينيات نفس الشي انتي و حظج

وصوف الريم شكرا على عرض تجربتج

ذهب
اظن عرفت الدكتورة العراقية اللي ترمسين عنها شكلها صغيرة اعتقد اسمها رحاب

انا ربيت عندهم من سنه .. وكانوا اووكي معاي .. خاصه في الولادة .. و لو حملت ان شاءلله بربي
هناك بعد .. بس بغيت استفسر اكثر لو بغيت مره ثانيه ابرة الظهر يعطون ولا بيهملوووني؟؟

ابصراحة أنا ولدت معاهم بولدي الأول و كانت الولادة وايد اوكي بصراحة النيرس الهندية اللي جابلتني لين ولدت كانت واااااااااااااااااااااااااايد زينه وبالولادة كانت تولدني هندية بس مب من زينها هي ووحده لبنانية في البداية كانت اتفاتن و اتقولي دونت شاوت و الله من كثر الألم اللي فيا طحت فيهن وسبيتهن من دون احساس ههههههههههههه والله يوم اتذكر الموقف اموت من الضحك حتى والله تمن ساكتات هههههههه يمكن خافوا عن تستجاب دعواتي عليهن ،أما عن الاقامة بصراحة وايد النيرسات مزعجات يبربرووووووووووووووووون طول الليل ولأن ماكان فيني حليب كنت اطلب منهم اييبولي رضعات حليب بس كانوا يتمننووووون علينا اتقول الا بييبونه من جيسهم وهزبتهم امي هزاب عاد انا خلاص مافيني هبه على الحشره تعبانه و الحمدالله يابولنا الحليب واتخيلوا كان ولدي و الله يوعااااااان وحليلة ولدت فيه الساعه 12 بالليل وهم ما يا بولي الرضعة الا في اليوم الثاني الساعة 2 بالليل يعني حسبوها اليوم الثالث وانا اشوف انهم ما يمشيهم الا الهزاب بس الحين انا بجرب مستشفى ثاني لولادتي الثانية و الله يسهل علينا يارب