شحالكن امهات وحريم وبنات عساكن ع القوه
حبيت اسوي هالتجمع للي يعانون من التكيس ويتعالجن في توام عشان كلنا نستفيد من بعضنا البعض وحتى اللي مايتعالجن في توام حياهن معانا ونحب نستفيد من تجارب بعض وكل وحده تنصح الثانيه وربي يثبتنا ويرزقنا الذريه الصالحه عاجل غير آجل ياااارب
مممم انا متأخر عليه الحمل تقريبا كملت 6 شهور من عرست
حملت بالمره الاولى بس للاسف نزل البيبي بخطا طبي…من بعدها نفسيتي تعبت وايد
وصرت كل مره ابي اتعالج بس للاسف اكون كسوله وايد من هالناحيه مادري ليش!!!
يعني نفسيتي صارت ارف من بعد التسقيط وطبعا عن كلام كل دكتوره لي
انه عندي تكيسات ولازم اتعالج واستمر في العلاج…طيب وين المشكله؟؟؟؟؟؟
مشكلتي اني من النوع العجولة جدا وهالشي ماحبه في شخصيتي ابدااا
يعني مافيه صبر اني اتعالج واكمل علاجي بالصوره الصحيحه اوبالاحرى اتملل 
ما اخفيكم انه من العجله اللي فيه فكرت اني اسوي تلقيح صناعي وانا حضرتي مابديت بأي علاج بشكل رسمي!!!!!!!!<<<الحمدلله والشكر
يعني اروح عند دكتوره معينه بس للاسف ما استمر عليها لاني من النوع اللي امل بسرعه او اعتقد انه ايني احباط…
سويت حجامه بس بعد ما استمريت عليها مادري شو ياني !!!!
وهاليومين طالعه فكرة العلاج في تواام والله يثبتني …
ابي كل شي يصير بسرعه وبالباجر يقولون لي مبروك حامل <<<<مستعيله ع الصدعه خخخخ
الموووهيم…يابنات وياحريم انا قررت واخيرا اني اتعالج في مستشفى توام طبعا غني عن التعريف…
بس الي عندها خبره عن العلاج عندهم ياليت تفيدني وماتبخل عليه لاني فعلا محتاجه للتشجيع القوي منكم في اني اكمل علاجي عندهم بدون لا كلل ولا ملل….طبعا ادري انه العلاج يطول حبتين يعني من شهر لـ 6 شهور في بعض الاحيان وفي بعض الاحيان ربي ييسر الامور ويصير الحمل بسرعه ….
يعني بليز بنات ابي همتكم في التشجيع ….عشان اقضي على هالتكيسات اللي صارت مرض العصر للحريم…
وابي كل وحده فيكن عندها خلفيه عن مستشفى توام في علاج هالحالات انها ماتبخل عليه…
وابي اعرف بعد كيف افتح لي ملف في عيادة الحريم عندهم علما باني مش من العين اصلا بس متزوجه في العين وصرت من اهل الدار يعني خخخخ علني افداهم يااربي….^____^
واللي عندها اي خلفيه عن الدكاتره الموجودين هناك ياليت تنصحوني بهم وعند منوه اسير؟؟
واذا عندكم فكره عن فترة العلاج كم مدتها بعد ياليت لو تخبروني عنها وتشجعوني اني استمر عليها لاني فعلا محتايه تشجيع حلوو منكم^^
وربي يسهل على كل حامل حملها وربي يرزق كل محرومه ويرزقني معاها الحمل الصحيح يااارب
بانتظاااركم ودعواتكم الطيبه لي في ظهر الغيب ………
بديت علاجي مع فوفو هي دكتورة ممتازة ومتمكنة كملت معها فترة قبل الزواج وبعده ( متزوجة من سنة ونص)
المهم بديت أحس وزني يزيد بسبب الكلوميد، والإبر، رحت عند غزل مجرد استشارة قالت لي بعطيج إبر..
تركتها ورحت لعند عزوى إلي في مستشفى الإمارات الدولي.
قالت لي نفس كلام فوفو قلت أرد حق عيوزي أحسن لي محد غيرها.
وكنت حاطه علاج توام أخر المطاف.
المهم كنت أستمر مع فوفو وصار حمل على قولتها على حمل متأخر.
قبل الدورة يعني المهم ما استمر الحمل على طول نزل.
زعلت صح بس احتسبت أمري لله، والله كريم إن شاء الله..
المهم يت حالة إني حابه أتخلص من التكيس وليس الحمل فقط
يعني بالدرجة الأولى أريد أتخلص منه ومن بعد أفكر في علاج الحمل
طبعاً خلال فترة علاجي مع فوفو أوقف أحيانا عن الابر كون إني أحياناً أسافر.
أو أتعذر إلها بأي عذر لأن بصراحة كل ما أشوف نفسي أتضايق وايد لأن زاد وزني
عن يوم العرس 17 ك !!
المهم قبل لا أسافر أخر مرة قلت لفوفو عطيني بس تنظيم وما أريد شي ثاني
لأني بسافر وما راح ألتزم بالعلاج، أخذت دفستون معاي فقط .
والحين صارلي 3 شهور أخذه بدون علاج ثاني ولا أروح للدكتورة.
كنت هالفترة خلال السفر وبعده أريد أريح من العلاج وكانت في نيتي أبدأ في الصيف العلاج
من يديد واحتمال كبير في توام.
بس فكرت أأجل الموضوع شوي وراح أروح للدكتورة السودانية الي في البريمي + أم سيف الي تمسح
ما راح أخسر شي أولاً : لأن الدكتورة ما تعطي إلا الأشياء الطبيعية الي فهمته من الي تعالجوا عندها
وخصوصاً المتكيسات وبعد تعطيهم نظام غذائي وبالفعل الأشياء الي تمنعها عنهم تكون مضرة وتزيد نسبة التكيس
خصوصاً الدهون والسكريات.
أما بخصوص أم سيف فهي راح تمسحني بالكاسات الهوائية وقالت لي بإذن الله راح ترتب لي الدورة
من غير حبوب طبية ولا حتى أعشاب بس من مجرد الكاسات الهوائية.
الحمدلله الله مدخل علي الاطمئنان وراح أجرب هاي التجربة.
ونصيحة استمري على الشي لا توقفين وموب زين تكثري من الدكاترة
لأن كل واحد بيطلع لج برمسة وأنا أشوف علاج التكيس من الناحية الطبية هي ( تنظيم دورة + كلوميد للتنشيط + إبر)
طبعاً مع الإستخدام اليومي ( للـ كلوكوفاج ) لتنظيم افراز الأنسولين .
بعدين صح الله يهداها الدكتورة فوفو دايماً تحكم على بويضاتي من اليوم 12 للدورة
وما اتابعهن إذا كبرن أو لا !!!
لأن في ناس تكبر عندهم البويضات في اليوم 16 لحد 19 الي سمعته.
وخصوصاً من تجربة حملي كانت في الأيام الأخيرة قبل الدورة !!
والله إنه موضوع التكيس متشعب وكبير وموب عارفه له حل.
وان شاء الله أستفيد من المرحلة الياية للعلاج.
في انتظار البقيه
فلالمرض ماله علاج بمعنى علاج .. التنظيم خطوة زينه .. نظمي الدورة … بس أنا ما أأيد الهرمونات و الكلوميد و هالاشياء اللي أحس انه مضارها أكثر من منافعها ..
ز نصيحة لكل أخت عندها تكييس و الله راد و حملت .. اترضع أطول فترة ممكنة ..
الحمل و الرضاعة اتخفف من حالة التكييس ..
المشاركة الأصلية كتبت بواسطة حبيته بجنون 
في انتظار البقيه
عزيزتي حبيته بجنون..
أنتِ وايد ملخبطة فلازم تحددين أنتي شو تبين ؟!
لا تبنين رايج علي أنا، بمعنى أنا جربت الابر والكلوميد والتنظيم
وأكيد علاج توام بكون نفس الشي بس أنا هالمرة حابه أجرب أم سيف + الدكتورة نبيلة.
فأنتي توكلي على الله لا تسمعين فلانه سوت وقالت.
حددي الي راح تستمرين فيه وان شاء الله خير
جزاج الله خيراً أختي الكريمة..
على إفادتج … وإن شاء الله الله يرزق الجميع بما يحبه ويرضاه …