تجمع المسافرات إلى الكــويت في اجازة عيد الأضحى ] ~

مرحبا

كيفكوون صبايا و حريم ؟

موضوعي هالمره تجمع للمسافرات إلى الكــويت في اجازة عيد الاضحى ^.^

و بالتحديد في الفترة من الاثنين 15 / 11 إلى الجمعة 20 / 11

فتحت الموضوع لني لاحظت واايد بنات من المنتدى بيسافرون الكويت ما شاء الله =)

و قلت بنسولف و ندردش مع بعض عن مخططاتكم و حجوزاتكم

و اللي عندها استفسار بنساعدها ان شاء الله ..

يالله كل وحده تخبرنا على اي طيران حاجزين ؟ و من تاريخ كم إلى كم ؟

و شو الفندق او الشقق او المنتجع اللي حاجزين فيه ؟

نحن خذنا التذاكر على فلاي دبي و سعر التذكرة ذهاب و عوده 250 درهم للشخص

و بالنسبة للسكن واايد خيارات متوفره في الكويت بس نحن حجزنا في منتجع النخيل

The Palms Beach Hotel & Spa

حجزنا شقة بغرفتين نوم و حمام (الله يعزكم) و مطبخ و صالة على 950 درهم الليلة .. و السعر يشمل فطور حق 4 اشخاص يومياً

المنتجع عائلي على البحر و فيه مسابح للكبار و الصغار و نادي رياضي و Spa و العاب حق اليهال و مطاعم راقية و ستاربوكس و مكانه قريب من السالمية

و هذي الصور خذتها من تقرير واحد من الاخوان اللي مجربين المنتجع