مسالفل لأحن أمهات .. اشحالكم ؟؟ عساكم مرتاحين ؟؟
اليوم أنا ياييبتلكم موضوع تجارب و خبرات و الكل بيستفيد منه إن شاء الله و بيفيد غيره .. و بنسولف و بنتشاور …
السالفة إنا بنفتح المجال لكل الأمهات عشان يخبرونا عن أي شي اكتشفوه فالسوق و إلا شي موجود و تخبرنا شقا استفادت منه…
تخبرنا عن أداة أو جهاز طاحت عليه في مكان و استفادت منه .. في إخت كانت تسال عن جهاز يدفي الكلينكس المعطر مال الأطفال .. فكرته حلوة بس مب الكل يعرف عنه …صح و إلا ؟؟
* ممكن تفيدنا في علب أو ملال أكل الاطفال اكتشفت ملال عملية مثلا أو غريبة ..
* أي شي يخص الملابس أو العناية بها .. أو ملابس استخدامها غريب أو عملي مثلا ..
* علب حفظ الحليب البودرة مثلا أنواعها و استخداماتها في وين و كيف ..
يعني في هالسوالف و المجال مفتوح …
يا ليت تكون المشاركة مدعمة بالصور مب شرط صور شخصية ممكن صور من النت أو صور تقريبيبة …
و مب شرط الصور لكن يفضل …
و تذكر لنا المكان الي اشترته منه أو شافته فيه … و يفضل ذكر السعر …
يلا أخيتي المجال مفتوح جدامج … اسدحي إلنا تجاربج و مشترياتج و اكتشافاتج ….
بنات نبا تفاعل و نشعلل القسم لانه بارد شوي …. المفروض يكون قسم نشيط و متجدد لانه يخص فلذات أكبادنا …
و سلامتكم …
باسم الله نبدأ .. منوه أول وحدة …..
لي عوده
وخبريني شو اسمه الجهاز اللي يدفي الويبس..؟ وين احصله..؟
المشاركة الأصلية كتبت بواسطة الدانــة 
وخبريني شو اسمه الجهاز اللي يدفي الويبس..؟ وين احصله..؟
مرورج الأحلى … و هذا اللي نباه تفاعل الخوات ، نجمع كل الاستفسارات و التجارب في مكان واحد عشان ما نيلس ندور في كل موضوع ….
شفتي هاي فايدة الموضوع .. صراحة ما أعرف الجهاز بس قريت موضوع الإخت ما أعرف اسمها و لمعت في بالي فكرة هالتجمع … خاطري أعرف شي عنه و شو فايدته ؟؟؟؟
أونا نبا تفاعل ….
أنا جفت عضوه كانت حاطه صورة شي يشبه المصاص قالت يحطون فيه بسكوت ويعطونه الياهل وااايد عيبني بدور صورته وبحطلكم اياه
الله يعطيج العافية,,,,,, عاد أنا سمحولي هاذا أول بيبي وبعدني يديده في عالم الأمومة
وجهاز الكلينكس
كانت عارضتنه الأخت إللي تبيع القماطات الغريبة في أول الصفحة
بس اللحين شلو إعلانها