تجمع نزول الوزن بواسطة الرياضه منو يبي يشارك ؟؟

اهلين يا حلوات ..

بنات وايد شي تجمعات لنزول الوزن بس اكثرها بالدااايت و الادويه او الشاي .. و انا اعرف انه ها الطرق مفيده لكنها مؤقته و الطريقه الاصح غير تخفيف الاكل هي الرياااضه و الرياااضه و الرياااضه ..لتخفيف الوزن … عسب جي نبي نسوي تجمع .. يبدا من يوم السبت .. و كل وحده تحط طريقتها في الرياضه .. كم مره في الاسبوع ؟. كارديو ولا ايروبيك و لا غيره ؟؟ و بنبدا .. و كل وحده تكتب يومياتها و افكااارها ..

فاللي حابه تشاارك .. تسجل هني … حتى لو وحده … اهم شي نبدا يوم السبت .. لانه مب حلو التاجيل .. يعني قبل نهاية ها الاسبوع نكون محطين ببالنا منو بيشارك ..

اتريااكم ..

و الكسووووله بليز لا تشارك معانا

انا صار لي اسبوعين امشي ساعه باليوم واسوى تمارين البطن
كنت ٦٦ وحاليا ٦٣ وناويه استمر انشالله طبعااا امتنعت عن السكريات
والعيوش المعكرونات والحلويات … واشرب ماي واايد
وصدق بان علي من ثاني اسبوع

ماشالله عليج حواري تشجعين الواااحد .. انا الحين بعد تقريبا اسبوع .. يعني تنصحيني اودر كل الكاربوهيدرات ؟؟ انا مره جربت اسوي دايت بدون كارب وايد دوخت .. مع اني ما اكل واايد و العيش ماحبه .. انا وزني الحين 57 و ابا انزل تحت الخمسين .. بتشاركين معانا ؟؟

مرحبا خواتي ابا اشارك وياكن انا كان وزني قبل 56 ويوم كنت حامل وصلت لين 74
والحين انا مربي من شهرين ووزني صار 63 ومش طايع ينزل ما ادري ليش مع اني تصدقون ما اكل شي بس ثبت عندي الوزن يمكن حبوب منع الحمل تثبتت وزني
هل لحبوب منع الحمل تـأثير على الوزن انا اخذ حبوب ياسمين
شو تنصحني علشان اخف

سمعت يقولون انه الحبوب مالت منع الحمل تزيد الوزن بس ماعندي خبر .. انا اقول ماشي غير الرياضه و بس عسب تنزيل الوووزن .. و حياج وياااانا