طبعا كل حد يعتفس يوم العيد والمطبخ من العفيسه الواحد ما له خاطر يطبه ههههههه
صورت لكم مقتطفات سريعه عن عفسة العيد خلف الكواليس يعني وانا فالمطبخ هع
اغسل الفواكه وارتب السفره ونسوي الشاي والقهوه ومدري شوووو ..
تابعوا الخطوات مابي اخرب عليكم هههههههه
بس فيه صور واااااااايد واصناف كثيره بس والله تعبت ومليت وانا انزل ..
والعيش والهريس ما نزلتهم لكم بعد .. لاني كنت هلكانه ورقدت
وعيدكم مبارك مؤخرا
بغيت طريقه الكليكه للي فيهااا كريمه
ربي يوفج
الغاليه بغيت طريقة عمل الكيكتين ع الخاص اذا ما عليج امر
اذا ممكن..
الطريقه يطولي بعماااركن ..
الكيكه عباره عن كيكة الجوكلت .. انا استخدمت كيكة العلالي 
بعدين يبت قالب بلاستك على شكل مربع او مستطيل وبالحجم اللي تبينه موجود فالجمعيات هذا شكله ..
نحط طبقة كيك وفوق الكيك نحط كريمه " الكريمه العاديه قشطه ودريم ويب وكراميل "
وبعدين نحط طلقة كيك ثانيه فوووق .. وندخله الفريزر << ايوه الفريزر خلوها تثلج ههههههه ساعتين تقريبا
وبعدين ظهريها واقلبيها في طبق التقديم هع
وزينيها مثل ما تبين ^_^
انا زينت الثنتين بالنوتيلا .. بس وحده خلصت النوتيلا مع القشطه وصبيته عليها وبعدين شخبطت بالجوكلت السائل " الهيرشي "
والثانيه حطيت نوتيلا بدون اي اضافات وبعدين شخبطت بعد بالجوكلت السايل
وهني وعافيه يا حلوااات ^_^
الله يعيده علينا وعليكم بالخير والمسرات
كل عام وأنتم بخير