خواتي حبيت اسألكم عن تجهيزاتكم للمستشفى
و بقولكم عن تجاربي نظري لين ما اعرف كيف انزل الصور و اتمنى انكم تتفاعلون لأن كلنا عندنا صور ذكرى من ولاداتنا
على فكرة انا صرت ام للمرة الثالثة من تاريخ 7/2/2017 و يبت احلى بنوته
اما تجارب…….ان في ولادتي الأولى يبت ولد وجهزت مفرش بسيط "اخترت القطعة من محل ستاير و فصل لي اياه"و كان تفتا ذهبي مطفي و منقش بمخمل من نفس اللون و مفرش البيبي سويته عند انا و طفلي بنفس اللون و زيدت عليه تول عشان اغطي سرير المستشفى و التوزيعات عبارة عن حلاوة مغلفه تغليف حلو "على فكرة انا لفيتها بنفسي كنت متفيجه لأنه اول بيبي"
اما في ولادتي الثانيه يبت ولد و ما كان لي خلق افصل مفرش فاخترت مفرش من شين ون في مارينا مول لونه ابيض و اسود و زيدت عليه شوية كوشينات من ايكيا
و نفس الشي مفرش البيبي ابيض من انا و طفلي و طلبت منها تزيد عليه شوية كريستال
و التوزيعات طلبتها من بنت في المنتدى عبارة عن بسكوت على شكل كف و اختي جهزت لي الستاند
اما التجربه الثالثة اللي كان فاشلة نوعا ما ..الله يسلكم انا عندي ولدين و هالمره الله رزقني بنوته فكان خاطري اجهز كل شي وردي او بنفسجي فاتح و لفيت السوق اني الاقي شي جاهز حلو و سعره مناسب ابدا ما حصلت
و ما ادري يمكن الهرمونات كانت ضاربه عندي و كنت اشوف كل شي عادي و اقل من عادي
الشي الوحيد اللي عجبني كان مفرش عندي انا و طفلي كانت فكرته جديدة مب خرز و شك و خرابيط كان فيه ورد من الساتان على الطرف وايد ناعم بس سعره مب مناسب ابدا كان تقريبا ب3500-4000 من غير تجهيزات البيبي
و بما اني ما اشجع على الاسراف ما سويته و عرفتني وحده على واحد مواطن يسوي مفارش للام و الطفل باسعار مناسبه و ممكن انا اختار القطعة بس للأسف خاب ظني فيه ….؟؟
بقو لكم شو سوى فيني المرة الجايه و انتظر تجاربكم و اتمنى انها تكون بالصور
لين ما اعرف كيف انزل الصور
ونترياا الصوور
عندي خبره في هالمواضيع
دعواتكم لي اتمم لين الشهر التاسع واعيش كل اللحظات الحلوه والمره