تحبين دهن العود تعالي

السلام عليكم
:1 (26):
هذا الموضوع الى كل محبات دهن العود
انا بصراحة ما كنت احب دهن العود وايد بس بعد ما عرست و الكل حشرني لازم تشترين دهن عود
و كان في مجموعة عطوراتي بس ما كنت استخدمه و اللي زادني ان حتى زوجي ما يحبه
و مره سألتني وحدة من الاهل ليش ما تحبينه ؟
قلتلها لانه قوي و انا ما اتحمل ريحته من قوته قالت خففيه
و انا من يومها كل يوم خلطة مبتكره لتخفيفه . . .
و انا ان شاء الله بكتب لكم كل خلطة مبتكرة

الاولى : و انا استخدمها في المناسبات مثل العياد و الاعراس لانه تبقى ريحتها في الجسم فترة طويله يعني بتكونين مثل ما يقولون " معلاق عطر "

بعد ما تتسبحين و يكون جسمج بعده رطب دهني جسمج بـ دهن عود مع اي عطر تحبيه
تحطين في ايدج قطرة من دهن العود و رشي عليها من العطر و عقب تدهنين جسمج طبعا مب كل الجسم يعني هذا مثلا لليدين بس … فاهمين

يتبع